قازاقستان • 06 جەلتوقسان، 2021

Stopfake.kz 1900-دەن استام فەيكتى اشكەرەلەدى

97 رەت كورسەتىلدى

2021 جىلى، قر اقدم قۇرعان Stopfake.kz سايتى وقىرماندار اۋديتورياسىنىڭ مەدياساۋاتتىلىعىن ارتتىرۋ بويىنشا جۇمىستى جالعاستىرىپ، قازاقستاننىڭ اقپاراتتىق الاڭىندا تاراتىلعان 900-گە جۋىق جالعان حابارلامالاردى جوققا شىعاردى، دەپ حابارلايدى Egemen.kz اقدم ءباسپاسوز قىزمەتىنە سىلتەمە جاساپ.

جالپى، سايت جۇمىس جاساعان ءبىر جارىم جىل ىشىندە، 2020 جىلدىڭ شىلدەسىنەن باستاپ قازاق جانە ورىس تىلدەرىندە 2000-عا جۋىق فەيك تەرىسكە شىعارىلدى. StopFake سايتىنىڭ جۇمىسىنىڭ ناتيجەسىندە كارانتيندىك شەكتەۋلەر تۋرالى ۆيرۋستىق حابارلامالار، COVID-19 ۆاكتسيناتسياسىنىڭ قاۋىپتىلىگى تۋرالى قاتە اقپارلار، 2021 جىلعى پارلامەنتتىك سايلاۋ تۋرالى جالعان اقپارات جانە ت.ب. توقتاتىلعانىن اتاپ وتۋگە بولادى. الەۋمەتتىك جەلىلەر مەن مەسسەندجەرلەردىڭ تۇراقتى مونيتورينگى جۇرگىزىلەدى.

سونىمەن قاتار، رەسۋرستا ساراپتامالىق سۇحباتتار پايدا بولىپ، وندا بەلگىلى ءبىر حابارلامالار عىلىمي تۇرعىدان ءتۇسىندىرىلدى.

ش

Stopfake.kz جوباسى «مەدياعا ارنالعان مەديا» قاعيداتى بويىنشا جۇمىس ىستەيدى. كۇن سايىن سايتتاعى ماتەريالداردى قازاقستاننىڭ ءىرى باسىلىمدارى، سونداي-اق شەتەلدىك اقپاراتتىق رەسۋرستار قولدانادى.

سايتتاعى ەكى ءتىلدى ماتەريالداردان باسقا، ءتۇرلى ماقالالار الەۋمەتتىك جەلىلەردە تاراتىلادى. قازىرگى ۋاقىتتا جوبانىڭ كونتەنتى 7 ميلليوننان استام رەت ءارتۇرلى پلاتفورمالاردا قارالدى.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار