ەكونوميكا • 06 جەلتوقسان، 2021

زەينەتاقى قورىنداعى ارتىق قاراجاتتى «وتباسى بانككە» اۋدارۋعا رۇقسات ەتىلەدى

155 رەت كورسەتىلدى

بۇل تۋرالى قر يدم قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ ءباسپاسوز قىزمەتى حابارلادى. ۆەدومستۆو وكىلدەرىنىڭ ايتۋىنشا، بجزق-داعى ارتىق قاراجاتتى كەلەسى جىلدان باستاپ «وتباسى بانككە» اۋدارۋعا بولادى، دەپ جازادى Egemen.kz.

كوميتەت سالىمدى تولىقتىرۋداعى بۇيرىق وزگەرىستەرىنىڭ ازىرلەۋشىسى بولىپ وتىر. كەلىسۋ كەزىندە ەڭبەك مينيسترلىگى قۇجاتتى قايتا قاراۋعا قايتارعان.

«ۇلت جوسپارىنىڭ» «تۇرعىن ءۇي قاتىناستارى تۋرالى» 103-تارماعىنا سايكەس تولەمدەردى تولىقتىرۋ بولىگىندەگى بۇيرىققا وزگەرىستەر ەنگىزۋدى ازىرلەۋ بىزگە تاپسىرىلدى. جوبا وزگە قىزىعۋشىلىق تانىتقان مەملەكەتتىك ورگانداردىڭ كەلىسىمىنەن وتەدى. ءوز كەزەگىندە ولار دا ەسكەرتۋلەر مەن ۇسىنىستارىن ەنگىزە الادى. وسىعان بايلانىستى جوبا ەڭبەك مينيسترلىگىنە قاتىستى بولىگىن قايتا قاراۋ ءۇشىن قايتارىلدى. قازىرگى ساتتە ءبىز اتالعان جوبانى ءارى قاراي جىلجىتۋ ءۇشىن قىزىعۋشىلىق تانىتقان مەملەكەتتىك ورگاندارمەن ورتاق كەلىسىمگە كەلدىك، دەدى كوميتەتتىڭ ءباسپاسوز قىزمەتى.

مەملەكەت باسشىسىنىڭ 1 قىركۇيەكتەگى جولداۋىنا سايكەس، حالىقتىڭ زەينەتاقى سالىمدارىن بجزق-دان «وتباسى بانكىندەگى» دەپوزيتكە اۋدارۋ نورماسى 2022 جىلدىڭ قاڭتارىنا بەلگىلەنگەن.

 

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار