ەلباسى • 05 جەلتوقسان، 2021

نۇرسۇلتان نازارباەۆ قىرىمدى نەگە رەسەيدىڭ جەرى دەپ تانىماعانى تۋرالى ايتتى

279 رەت كورسەتىلدى

قازاقستاننىڭ تۇڭعىش پرەزيدەنتى، ەلباسى نۇرسۇلتان نازارباەۆ ۋاقىتىندا قىرىمدى نەگە رەسەيدىڭ ءبىر بولشەگى رەتىندە مويىنداماعانى تۋرالى ويىمەن ءبولىستى، دەپ حابارلايدى Egemen.kz.

 

بۇل تۋرالى ەلباسى امەريكالىق كينورەجيسسەر وليۆەر ستوۋنعا بەرگەن سۇحباتىندا وي ءوربىتتى.

«ول كەزدە ءتيىستى رەفەرەندۋم بولدى. ءبىز قىرىمدى رەسەيدىڭ جەرى دەپ تانىعان جوقپىز. ونداي جاعدايدا وسەتيانى، ابحازيانى، كوسوۆونى دا مويىنداۋىم كەرەك ەدى»، دەدى نۇرسۇلتان نازارباەۆ.

سول كەزدەگى ۋكراينا پرەزيدەنتى پەتر پوروشەنكونىڭ ءۇن قاتۋىنا قاراماستان، ەلباسى كيەۆتەگى مەملەكەتتىك توڭكەرىستى دە قولداماعانىن تىلىنە تيەك ەتتى.

«ۋكراينادا ءبارى تىنىش بولعان كەزدە رەسەيمەن قارىم-قاتىناس دۇرىس بولدى. قىرىمدا تۇراتىنداردىڭ ءبارى تۋىستارىنا، دوستارىنا بارىپ، سويلەسە الدى. ال ۋكراين ۇلتشىلدارى كەلىپ، ءبارى ۋكرايندار ءۇشىن ەكەنىن ايتقان كەزدە، ولار ارينە الاڭداپ، رەسەيدەن قايتا قابىلداۋدى ءوتىندى، رەفەرەندۋم بولدى. بۇنىڭ ءبارى جاقسى ەمەس. مۇنىڭ ءبارى كيەۆتە بولعان توڭكەرىستەن تۋىندادى»، دەدى نۇرسۇلتان نازارباەۆ.

ەستەرىڭىزگە سالا كەتەيىك، قىرىم 2014 جىلعى رەفەرەندۋمنان كەيىن قايتادان رەسەيدىڭ قاتارىنا قوسىلعان بولاتىن.

سوڭعى جاڭالىقتار

«كانەلونى» جەڭۋدىڭ جالعىز جولى ايتىلدى

كاسىپقوي بوكس • بۇگىن، 18:00

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

ۇقساس جاڭالىقتار