بۇل زاتتاردى مۋزەيگە «ۇلتتىق مۋزەيگە سىي تارتۋ» ءىس-شاراسى اياسىندا اقىننىڭ كەلىنى, م.ماقاتاەۆ اتىنداعى قوردىڭ توراعاسى باقىتگۇل ايداروۆا تاپسىرعان ەكەن.
ەندى ول قانداي جادىگەرلەر دەيسىز عوي, الدىمەن ارداقتى تۇلعانىڭ ءوزى كيگەن كوستيۋم شالبارىن ايتساق بولادى. ودان كەيىن تاعى ءبىر قىمبات دۇنيە −1954 جىلى ماسكەۋدەن جارىق كورگەن «رۋسسكو-كازاحسكي سلوۆار» جيناعى. بۇل سوزدىكتى ا.يسقاقوۆ, ح.ماحمۋدوۆ, ع.مۇساباەۆ سىندى اۆتورلار قۇراستىرعان. مۇقاعالي اعامىز كوزى تىرىسىندە وسى جيناقتى قولىنان تاستاماعان كورىنەدى. سونىمەن بىرگە اقىن تۇتىنعان كەسە مەن سابى گۇلمەن ورنەكتەلگەن قاسىق تا كوزىمىزگە جىلى ۇشىرادى. قىسقاسى, ۇلتتىق مۋزەيگە جولىڭىز تۇسە قالسا, الىپ اقىننان قالعان جادىگەرلەردى كورۋىڭىزگە بولادى.
