وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, تۇرعىن ءۇي بۇگىن, 3 جەلتوقساندا ورتەنگەن.
«دەپارتامەنتتىڭ ديسپەتچەرلىك پۋلتىنە ساعات 16:22-دە اتىراۋ قالاسىنىڭ ماڭىنداعى ەركىنقالا-2 كەنتىنىڭ №5 كوشەسىندە ءبىر قاباتتى جەكە تۇرعىن ۇيدەن ءورت شىققانى تۋرالى حابار ءتۇستى. وقيعا ورنىنا جەتكەن ءورت سوندىرۋشىلەر جالپى اۋدانى 150 شارشى مەتر تۇرعىن ءۇيدىڭ شاتىرى تۇگەل جانىپ جاتقانىن انىقتادى. ءورتتىڭ سالدارىنان ءۇي يەسى – 1987 جىلعى ازاماتتى كۇيىك شالدى. زارداپ شەگۋشى وبلىستىق اۋرۋحاناعا جاتقىزىلدى», دەپ حابارلادى دەپارتامەنتتىڭ ءباسپاسوز قىزمەتى.
جالىن ساعات 17:16-دا وقشاۋلانىپ, 24 مينۋتتان سوڭ تولىقتاي ءسوندىرىلدى. وعان دەپارتامەنتتىڭ 22 قىزمەتكەرى مەن 5 تەحنيكاسى جۇمىلدىرىلدى.
