قوعام • 03 جەلتوقسان، 2021

تۇركىستان مەن ليتۆا اراسىندا اۋە رەيسى اشىلادى

45 رەت كورسەتىلدى

تۇركىستانعا ەلىمىزدەگى ليتۆا رەسپۋبليكاسىنىڭ باس كونسۋلى گۆيداس كەرۋشاۋسكاس جۇمىس ساپارىمەن باردى، دەپ حابارلايدى Egemen.kz.

بالتىق جاعالاۋىنان كەلگەن ەلشىمەن تۇركىستان وبلىسى اكىمىنىڭ ورىنباسارى راشيد ايۋپوۆ كەزدەسۋ وتكىزىپ، ەكىجاقتى بايلانىستى جان-جاقتى تالقىلادى.

«2018 جىلدان بەرى تۇركىستان وبلىسىنا 3،5 ملرد اقش دوللارى كولەمىندە يۆەستيتسيا تارتىلدى. وڭىرىمىزدە ليتۆا جانە قازاقستان كاسىپورىندارىن قاتىستىرىپ، بىرلەسكەن جوبالاردى جۇزەگە اسىرۋعا مۇمكىندىك مول. تۋريزم سالاسىندا ارىپتەستىك ورناتۋعا مۇددەلىمىز. سوندىقتان تۇركىستان مەن ۆيلنيۋس قالالارى اراسىندا اۋە رەيسىن اشۋدى جانە ارنايى تۋرپاكەتتەر ازىرلەۋدى ۇسىنامىز. ءبىز جالپى ليتۆالىق كاسىپكەرلەردى تۇركىستانعا شاقىرامىز»، دەدى راشيد ايۋپوۆ.

وبلىس اكىمىنىڭ ورىنباسارى الدىمەن ونلاين بايلانىس ارقىلى كاسىپكەرلەر فورۋمىن نەمەسە كەزدەسۋىن وتكىزۋدى ۇسىندى. باس كونسۋل تۇركىستانداعى وڭ وزگەرىستەردەن حاباردار ەكەنىن ايتا كەلە وڭىردە ينۆەستورلارعا كورسەتىلەتىن قولداۋ جونىندە ءوز ەلىنىڭ كاسىپكەرلەرىنە ماعلۇمات بەرەتىنىن، ارىپتەستىكتى نىعايتۋ باعىتىندا جۇمىس جالعاساتىنىن مالىمدەدى.

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار