مەديتسينا • 03 جەلتوقسان، 2021

بارلىق مەديتسينالىق مەكەمەگە بەينەباقىلاۋ ورناتىلادى

85 رەت كورسەتىلدى

مۇگەدەكتىگى بار ادامدار تۇراقتى تۇراتىن نەمەسە قىزمەت الاتىن مەديتسينالىق-الەۋمەتتىك مەكەمەلەردىڭ قىزمەتىن رەگلامەنتتەيتىن بىرقاتار بۇيرىققا وزگەرىستەر ەنگىزىلدى، دەپ حابارلايدى Egemen.kz.

بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ مالىمدەدى. 

«بارلىق ءمام-دە بەينەباقىلاۋ كامەرالارىن ورناتۋ قاراستىرىلعان. كامەرالار ۇيىمعا ىرگەلەس جاتقان اۋماقتىڭ پەريمەترى بويىنشا، نەگىزگى جانە قوسالقى كىرەبەرىستەردىڭ جانىندا، سونداي-اق ءۇي-جايلار مەن جالپى پايدالانۋ كابينەتتەرىندە ورناتىلادى. ءمام-دەگى تۋىستارى مەن جاقىن ادامدارىنىڭ جازبالاردى كورۋگە رۇقساتى بولادى»، دەيدى مينيستر. 

ۆەدومستۆو باسشىسىنىڭ ايتۋىنشا، مەديتسينالىق-الەۋمەتتىك مەكەمەلەردىڭ ديرەكتورلارىن تاعايىنداۋ كەزىندە ولارعا قويىلاتىن بىلىكتىلىك تالاپتارى قايتا قارالدى. بۇل ازاماتتارمەن جۇمىس ىستەۋدە تاجىريبەسى مول قوعامدىق بىرلەستىكتەردىڭ، ۇكىمەتتىك ەمەس جانە باسقا دا ۇيىمداردىڭ باسشىلارىن تارتۋ ارقىلى وڭىرلەردەگى كادرلىق داعدارىس پروبلەماسىن شەشۋگە مۇمكىندىك بەرەدى. سونداي-اق ءمام-ءنىڭ ماتەريالدىق-تەحنيكالىق قامتاماسىز ەتۋ نورماتيۆتەرى دە جاقسارعان.

«ەرەكشە قاجەتتىلىكتەرى بار ادامدار ءۇشىن مەديتسينالىق-الەۋمەتتىك ساراپتاما جۇرگىزۋ راسىمدەرى مەن مەرزىمدەرىن وڭتايلاندىرۋ ماقساتىندا ەڭبەكمينى مۇگەدەكتىكتى سىرتتاي بەلگىلەۋدى ەنگىزۋ بويىنشا جۇمىس جۇرگىزۋدە. بۇل كەلەشەكتە مۇگەدەكتىگى بار ادامداردىڭ ينستانتسيالار بويىنشا ءجۇرۋىن جانە كورسەتىلەتىن قىزمەتتى بەرۋشىمەن تىكەلەي بايلانىسىن بولدىرماۋعا مۇمكىندىك بەرەدى»، دەدى مينيستر.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ۇقساس جاڭالىقتار