كورمە ەكسپوزيتسياسىنا قورىق-مۋزەي قورىندا تۇرعان 50-دەن اسا جادىگەر قويىلدى. ونىڭ ىشىندە ەلباسى ن.ءا.نازارباەۆتىڭ 1985 جىلى قازاق كسر مينيسترلەر كابينەتىنىڭ باسشىسى كەزىندەگى, تاۋەلسىز قازاقستاننىڭ تۇڭعىش پرەزيدەنتى تۇسىنداعى سۋرەتتەر مەن قۇجاتتار, باۋىرلاس تۇركيا رەسپۋبليكاسىنىڭ باسشىلارى تۇرعىت وزال, سۇلەيمەن دەميرەل, احمەت سەزار, ابدۋللا گۇل, رەجەپ ەردوعان جانە وزبەكستان رەسپۋبليكاسىنىڭ تۇڭعىش پرەزيدەنتى ي.كاريموۆپەن وتكەن رەسمي كەزدەسۋلەر جايلى تاريحي قۇجاتتار قويىلدى.
سونىمەن قاتار ەلباسى ن.ءا.نازارباەۆتىڭ قازاق, ورىس, اعىلشىن, تۇرىك تىلدەرىندە جارىق كورگەن «عاسىرلار توعىسىندا», «تاريح تولقىنىندا», «سىندارلى ون جىل», «قازاقستان جولى», «كازاحستانسكي پۋت», «بەيبىتشىلىك كىندىگى», «تۋعان ەلىم – تىرەگىم», «ەۆرازيسكي سويۋز: يدەي, پراكتيكا پەرسپەكتيۆى», «Kutup Yildizi», «Nursultan Nazarbayev» اتتى تۋىندىلارى مەن 1999 جىلى قورىق-مۋزەي قورىنا تابىستاعان قۇران كارىم كىتابى, 2005 جىلى تۇركىستانعا رەسمي ساپارمەن كەلگەندە كيگەن شاپانى كوپشىلىك نازارىنا ۇسىنىلدى.
