كاسىپقوي بوكس • 02 جەلتوقسان، 2021

لۋ ديبەللا: كامبوسوس لوماچەنكومەن كەزدەسۋى ىقتيمال

56 رەت كورسەتىلدى

جەڭىل سالماقتاعى الەمنىڭ ءابسوليۋتتى چەمپيونى، اۆستراليالىق دجوردج كامبوسوستىڭ پروموۋتەرى لۋ ديبەللا جەڭىل سالماقتىڭ جامپوزىن ۋكراينالىق وعلان، ەكى دۇركىن وليمپيادا ويىندارىنىڭ چەمپيونى، كاسىپقوي بوكستا ءۇش سالماقتا توپ جارعان ۆاسيلي لوماچەنكومەن كەزدەستىرگىسى كەلەدى، دەپ حابارلايدى Egemen.kz.

«نەگىزى باستى ماقساتىمىز – دجوردج كامبوسوستى دجەرۆونتا دەۆيسپەن كەزدەستىرۋ. ايتكەنمەن ءبىرىنشى كەزەكتە ءبىز الداعى ۋاقىتتا قانداي قادامدارعا باراتىنىمىزدى انىقتاپ الۋىمىز كەرەك. ءبىر انىعى، دەۆيسپەن دجوردج رينگتە كەزدەسسە ۇلكەن شايقاس بولاتىنى داۋسىز. سونداي-اق ۆاسيلي لوماچەنكومەن جەكپە-جەك وتكىزۋ دە نازارىمىزدان تىس قالماق ەمەس. ارينە، ول الدىمەن ريچارد كومميدى ۇتۋى ءتيىس. سوندا ۆاسيلي لوماچەنكو ءبىزدىڭ ءبىر نۇسقامىز بولادى. ۆاسيامەن شايقاس ۇلكەن جەكپە-جەك ەكەنى راس. ويتكەنى ول - بوكس الەمىنىڭ جۇلدىزى. ودان بولەك رايان گارسيا رينگكە ورالسا، ونىمەن دە جەكپە-جەك ۇيىمداستىرۋعا بولادى»، دەيدى پروموۋتەر.

سوڭعى جاڭالىقتار

ۇقساس جاڭالىقتار