قوعام • 01 جەلتوقسان، 2021

ەلباسى جاڭا قازاق مەملەكەتىنىڭ ىرگەتاسىن قالادى - باس ءمۇفتي

68 رەت كورسەتىلدى

ەلباسى نۇرسۇلتان نازارباەۆ حان-سۇلتاندارىمىزدىڭ ارمانىن ورىنداپ، جاڭا قازاق مەملەكەتىنىڭ ىرگەتاسىن قالادى. مۇنداي پىكىردى قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى تاعان ۇلى ءبىلدىردى، دەپ حابارلايدى Egemen.kz.

«راسىندا تاۋەلسىز ەلىمىزدىڭ ءəربىر جەتكەن جەتىستىگىندە، باعىندىرعان بەلەسىندە تۇڭعىش پرەزيدەنتىمىز – ەلباسى نۇرسۇلتان نازارباەۆتىڭ قولتاڭباسى جاتقانىن ايتۋ، العىس ءبىلدىرۋ – ادامگەرشىلىكتەن. ءبىز – ادامدار اراسىنداعى الاۋىزدىققا، دىندەر اراسىنداعى داۋ-دامايلارعا توسقاۋىل قويۋعا تالپىنعان، تىنىشتىق پەن تاتۋلىقتى باستى تىرەك ەتكەن ەلمىز. باۋىرمالدىق، مەيىرباندىق، دوستىق، قامقورلىق سىندى قۇندىلىقتار – قازاق حالقىنىڭ تابيعي بولمىسىندا بار اسىل قاسيەتتەر. باعزى زاماننان بەرى بەرەكە مەن بىرلىكتى، ىنتىماق پەن ىرىستى، دوستىق پەن تاتۋلىقتى تۋ ەتكەن قازاق ەلى تاۋەلسىزدىكتىڭ ساناۋلى جىلدارىندا الىس-جاقىننىڭ اراسىن جاراستىرىپ، ءدىنى بولەكتەردى ءبىر دوڭگەلەك ۇستەل باسىنا جيناعان بىتىمگەر مەملەكەتكە اينالدى»، دەپ اتاپ ءوتتى باس ءمۇفتي.

ناۋرىزباي قاجى تاعان ۇلىنىڭ اتاپ وتۋىنشە، وسىناۋ تاريحي ىسكە باستاماشىل بولىپ، ەلىمىزدەگى 100-دەن استام ۇلت پەن ۇلىستى ءبىر شاڭىراقتىڭ استىنا توپتاستىرا بىلگەن ەلباسىنىڭ ەرەن ەڭبەگى تاريحتا مəڭگى قالا بەرمەك. ەلباسى تəۋەلسىزدىك جىلدارىندا ءدىني سەنىمى مەن ۇستانىمى ءبىر ارناعا توعىسا بەرمەيتىن əلەمدىك ءدəستۇرلى ءدىن كوشباسشىلارىنىڭ باسىن ەلورداعا قوسىپ، ءدىن قايراتكەرلەرىن ورتاق ماقساتقا ۇندەدى.

نۇر-سۇلتان قالاسىندا əر ءۇش جىل سايىن وتەتىن Əلەمدىك جəنە ءدəستۇرلى ءدىن ليدەرلەرىنىڭ سەزى جەر جۇزىندەگى ءدىنى مەن ءتىلى، ۇلتى مەن ۇلىسى ءəرتۇرلى كۇللى ادامزات بالاسىن بىرلىك پەن بەيبىتشىلىككە، ىمىرا مەن ىنتىماققا ۇيىستىرعان باسقوسۋ بولىپ كەلە جاتقانى جاسىرىن ەمەس.

«ول كەشەگى حان-سۇلتاندارىمىزدىڭ ارمانىن ورىنداپ، جاڭا قازاق مەملەكەتىنىڭ ىرگەتاسىن قالادى. مەملەكەتتى باسقارۋدا ۇلت بىرلىگىن، ءدىن بىرلىگىن ءبىرىنشى ورىنعا قويىپ، دوستىق پەن كەلىسىمنىڭ ۇزدىك ۇلگىسىن قالىپتاستىرا ءبىلدى. اللاعا شۇكىر، وسىناۋ سارابدال ساياساتتىڭ ارقاسىندا ءبىزدىڭ ەلىمىزدە تىنىشتىق پەن تۇراقتىلىق سالتانات قۇردى. ەلباسىنىڭ قاۋلىسىمەن مۇسىلمان قاۋىمىنىڭ ۇلىق مەيرامى – قۇربان ايت دەمالىس كۇنى بولىپ جاريالاندى. قاسيەتتى رامازان ايىندا يمامدار مەن زيالى قاۋىمعا اۋىزاشار بەرۋ – نۇرسۇلتان ءابىش ۇلىنىڭ جىل سايىنعى ساۋاپتى ءھام ءداستۇرلى امالىنا اينالعان. ارقا توسىندە رەسپۋبليكالىق «Əزىرەت سۇلتان» مەشىتى سالىنىپ، قازاقستان مۇسىلماندارى ءدىني باسقارماسىنىڭ باس كەڭسەسى بوي كوتەردى. الماتى قالاسىندا نۇر-مۇباراك ۋنيۆەرسيتەتى اشىلىپ، وقۋ ورنىن بىتىرگەن ءدىن قىزمەتكەرلەرى ەلدىڭ بىرلىگى مەن ىنتىماعىنا ۇلەس قوسۋدا»، دەدى قمدب توراعاسى.

باس ءمۇفتيدىڭ دەرەگىنشە، تاۋەلسىزدىك جىلدارىندا ەلىمىز بويىنشا نەبارى 68 مەشىت بولسا، بۇگىندە قۇلشىلىق وردالارىنىڭ سانى 2600-دەن استى. ەگەمەندىك العان جىلدان باستاپ جەر-جەردە مەدرەسەلەر مەن قاريلار ورتالىعى بوي كوتەردى. ورتا ءبىلىم بەرەتىن 9 مەدرەسە كوللەدج مارتەبەسىن الدى. وقۋ ورداسىن تامامداعان شاكىرتتەر دە ەل يگىلىگى جولىندا قىزمەت ەتۋدە.

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار