«بابيلە قورىعىندا جاعداي قيىن. قازىر ونىڭ اۋماعىندا 250 ءپىل بار. ەگەر ادامنىڭ ولاردىڭ مەكەندەۋ ورتاسىنا ەنۋىنە بايلانىستى پروبلەمالار جاقىن ارادا شەشىلمەسە, قورىق اۋماعىندا بىردە-ءبىر ءپىل قالمايدى», دەگەن وكسفورد ۋنيۆەرسيتەتىنىڭ زەرتتەۋشىسى ەميلي ءنيلدىڭ سوزدەرىن كەلتىرگەن ۋنيۆەرسيتەتتىڭ ءباسپاسوز قىزمەتى.
افريكا پىلدەرى (Loxodonta africana) سوڭعى 75 جىلدا التى-جەتى ەسە ازايدى. ايتا كەتسەك, 1989 جىلى جابايى فاۋنا مەن فلورا تۇرلەرىنىڭ حالىقارالىق ساۋداسى تۋرالى كونۆەنتسياعا (CITES) قاتىسۋشى ەلدەر براكونەرلەرگە قارسى كۇرەس باستادى.
وسى عاسىردىڭ باسىندا بۇل شارالار پىلدەردىڭ پوپۋلياتسياسىن تۇراقتاندىردى, بىراق سوڭعى جىلدارى ازيادا ءپىل سۇيەگىنە سۇرانىستىڭ ارتۋىنا بايلانىستى ولاردىڭ سانى قايتادان كۇرت ازايا باستادى.
