ماعزۇم مىرزاعاليەۆ وسى جىلدىڭ قاڭتار-قازان ايلارىندا سۇيىتىلعان مۇناي گازىن ءوندىرۋ 2,6 ملن توننانى نەمەسە 2020 جىلدىڭ ۇقساس كەزەڭىنە 100,3%-دى قۇراعانىن حابارلادى. جىل قورىتىندىسى بويىنشا سۇيىتىلعان مۇناي گازىن ءوندىرۋ 3,2 ملن توننا دەڭگەيىندە كۇتىلۋدە.
«ىشكى نارىقتا سۇيىتىلعان مۇناي گازىن نەگىزگى تۇتىنۋدىڭ 60%-دان استامى اۆتوكولىككە تيەسىلى. 2019 جىلدان باستاپ سۇيىتىلعان گازعا اۋىستىرىلعان اۆتوكولىك سانى 2021 جىلعا قاراي 2,2 ەسەگە ءوسىپ, 310 مىڭنان استام بىرلىككە جەتتى», دەدى قر ەنەرگەتيكا ءمينيسترى ماعزۇم مىرزاعاليەۆ.
