ەكونوميكا • 30 قاراشا، 2021

وڭدەۋ ونەركاسىبىندە ءوسىم تۇراقتى – بەيبىت اتامقۇلوۆ

34 رەت كورسەتىلدى

بيىلعى 10 ايدا ەلىمىزدىڭ وڭدەۋ ونەركاسىبىندە تۇراقتى ءوسىم ساقتالدى. بۇل تۋرالى ۇكىمەت وتىرىسىندا قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى Egemen.kz.

«مەملەكەت باسشىسى قاسىم-جومارت كەمەل ۇلى توقاەۆ قازاقستان حالقىنا ارناعان جولداۋىندا 2025 جىلعا قاراي وڭدەۋشى ونەركاسىپ ءوسىمىن 1،5 ەسەگە ارتتىرۋدى تاپسىردى. بۇل ماقسات Nur Otan پارتياسىنىڭ سايلاۋالدى تۇعىرناماسىندا دا كورىنىس تاپقان. وعان جەتۋ ءۇشىن ەكى نەگىزگى مىندەت قويىلدى. بىرىنشىدەن، يندۋستريالاندىرۋ كارتاسى جانە ءىرى ينۆەستيتسيالىق جوبالار اياسىندا وڭدەۋشى ونەركاسىپ سالالارىندا جاڭا جوبالاردى ىسكە قوسۋ. ەكىنشىدەن، «ونەركاسىپتىك ساياسات تۋرالى» زاڭ جوباسىندا كوزدەلگەن ونەركاسىپتى مەملەكەتتىك ىنتالاندىرۋدىڭ جاڭا شارالارىن ىسكە اسىرۋ»،  دەدى ب. اتامقۇلوۆ.

ونىڭ ايتۋىنشا، بيىلعى 10 ايدىڭ قورىتىندىسىندا ەلىمىزدىڭ وڭدەۋ ونەركاسىبىندە تۇراقتى ءوسىم ساقتالدى. ناقتى كولەم يندەكسى 5،8 % ارتىپ، 13،4 ترلن تەڭگەنى قۇرادى. بۇل وتكەن جىلدىڭ سايكەس كەزەڭىندەگى كورسەتكىشتەن ارتىق. ءىس جۇزىندە سالانىڭ بارلىق سەكتورىندا وڭ ديناميكا بايقالادى.

 

سوڭعى جاڭالىقتار

ۇقساس جاڭالىقتار