پرەزيدەنت • 30 قاراشا، 2021

توقاەۆ دسۇ-نىڭ باس ديرەكتورىن قازاقستانعا شاقىردى

41 رەت كورسەتىلدى

مەملەكەت باسشىسى دۇنيەجۇزىلىك ساۋدا ۇيىمىنىڭ باس ديرەكتورى نگوزي وكوندجو-يۆەالامەن كەزدەسۋ وتكىزدى، دەپ حابارلايدى Egemen.kz اقورداعا سىلتەمە جاساپ.

كەزدەسۋ بارىسىندا قازاقستان مەن دۇنيەجۇزىلىك ساۋدا ۇيىمى اراسىنداعى ىنتىماقتاستىقتىڭ پەرسپەكتيۆالارى، ونىڭ ىشىندە دسۇ-عا مۇشە ەلدەر مينيسترلەرىنىڭ 12-كونفەرەنتسياسىنا ەلىمىزدىڭ توراعالىق ەتۋ ماسەلەسى تالقىلاندى. سونداي-اق حالىقارالىق ساۋدانى دامىتۋدىڭ وزەكتى ماسەلەلەرى جونىندە پىكىرلەر ورتاعا سالىندى.

26 قاراشادا دسۇ ۇيىمعا مۇشە مەملەكەتتەر مينيسترلەرىنىڭ 12-كونفەرەنتسياسىنىڭ وتەتىن ۋاقىتىن كەيىنگە شەگەرۋ جونىندە مالىمدەمە جاسادى. جيىن 30 قاراشا مەن 3 جەلتوقسان ارالىعىندا جەنەۆادا وتۋگە ءتيىس ەدى.

نگوزي وكوندجو-يۆەالا ىندەتتىڭ ورشۋىنە بايلانىستى مينيسترلەر كونفەرەنتسياسىن كەيىنگە شەگەرۋگە تۋرا كەلگەنى وكىنىشتى جايت ەكەنىن جانە ونىڭ وتە اۋىر شەشىم بولعانىن ايتتى. كەزدەسۋگە قاتىسۋشىلار ءىس-شارانى وتكىزۋدىڭ ىقتيمال جاڭا مەرزىمدەرىن تالقىلادى.

پرەزيدەنت دسۇ-مەن اراداعى ىنتىماقتاستىقتىڭ ماڭىزدىلىعى تۋرالى ايتا كەلە، پاندەميا جاعدايىندا ۇيىمنىڭ الەمدىك ەكونوميكانى قايتا قالپىنا كەلتىرۋ ىسىندەگى نەگىزگى رولىنە نازار اۋداردى.

قاسىم-جومارت توقاەۆ نگوزي وكوندجو-يۆەالانىڭ باسشىلىعىمەن ۆاكتسينانىڭ بارلىق ادامعا بىردەي تەڭ دارەجەدە قولجەتىمدىلىگىن قامتاماسىز ەتۋ ءۇشىن دسۇ-عا مۇشە مەملەكەتتەرمەن، نەگىزگى حالىقارالىق ۇيىمدارمەن جانە ۆاكتسينا وندىرۋشىلەرمەن جۇرگىزىلىپ جاتقان كونسترۋكتيۆتى ديالوگقا قولداۋ ءبىلدىردى.  

اڭگىمەلەسۋ بارىسىندا 2022 جىلدىڭ قاراشا ايىنا جوسپارلانىپ وتىرعان قازاقستاننىڭ دۇنيەجۇزىلىك ساۋدا ۇيىمىنداعى ساۋدا ساياساتىنا العاشقى شولۋىنىڭ شىعارىلىمى تالقىلاندى. پرەزيدەنت ەلىمىز ءۇشىن وسى وقيعانىڭ اسا ماڭىزدى ەكەنىن اتاپ ءوتتى.

مەملەكەت باسشىسى قازاقستاننىڭ دسۇ قاعيدالارى مەن ەرەجەلەرىنە، سونداي-اق وسى ۇيىمعا كىرگەن كەزدە وزىنە جۇكتەلگەن مىندەتتەرگە بەيىلدىلىگىن راستاي الاتىنىنا سەنىم ءبىلدىردى.

كەزدەسۋ سوڭىندا قاسىم-جومارت توقاەۆ نگوزي وكوندجو-يۆەالانى قازاقستانعا ساپارمەن كەلۋگە شاقىردى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • بۇگىن، 23:15

بيلىك جانە ۇلت مەنتاليتەتى

قازاقستان • بۇگىن، 22:54

استاناداعى العاشقى مەشىت

رۋحانيات • بۇگىن، 22:42

الاشوردا وفيتسەرى

قازاقستان • بۇگىن، 22:32

471 مىڭ دوللارعا ساتىلدى

ادەبيەت • بۇگىن، 22:19

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

ۇقساس جاڭالىقتار