كەزدەسۋ بارىسىندا قازاقستان مەن حالىقارالىق قىزىل كرەست كوميتەتى اراسىنداعى ىنتىماقتاستىقتى نىعايتۋدىڭ پەرسپەكتيۆالارى تالقىلاندى. سونداي-اق حالىقارالىق جانە ايماقتىق كۇن تارتىبىندەگى وزەكتى ماسەلەلەر بويىنشا وي-پىكىرلەر ورتاعا سالىنىپ, اۋعانستانداعى گۋمانيتارلىق جاعداي ءسوز بولدى.
رەپاترياتسيا جانە رەينتەگراتسيا, وتباسىلاردىڭ قاۋىشۋ جانە قاقتىعىس ايماقتارىنان ورالعان ازاماتتارعا پسيحولوگيالىق كومەك كورسەتۋ ماسەلەلەرى بويىنشا ەلىمىز بەن كوميتەت اراسىنداعى ءوزارا تابىستى ىقپالداستىق اتاپ ءوتىلدى.
قاسىم-جومارت توقاەۆ كوميتەتتىڭ قىزمەتىن تولىق قولدايتىنىن ناقتىلاپ, وسى ۇيىمنىڭ باسشىسى لاۋازىمىنداعى پەتەر ماۋرەردىڭ اتقارىپ جاتقان جۇمىسىن جوعارى باعالادى.
مەملەكەت باسشىسى حالىقارالىق قىزىل كرەست كوميتەتىنە قازاقستاننىڭ قورعانىس مينيسترلىگىمەن بىتىمگەرلىك وپەراتسيالار جۇرگىزۋ ماسەلەلەرى بويىنشا ءوزارا تابىستى ىقپالداستىعى ءۇشىن ريزاشىلىعىن ءبىلدىردى. قاسىم-جومارت توقاەۆ قازاقستاندىق اسكەريلەردىڭ بۇۇ-نىڭ بىتىمگەرلىك ميسسيالارىنا قاتىسۋ گەوگرافياسىن كەڭەيتۋ جوسپارى تۋرالى ايتتى.
پەتەر ماۋرەر قاسىم-جومارت توقاەۆقا كەزدەسۋگە مۇمكىندىك بەرگەنى ءۇشىن العىس ءبىلدىرىپ, كوميتەتتىڭ قازىرگى قىزمەتى مەن جوسپارى جونىندە مالىمەت بەردى. سونداي-اق ەلىمىزدىڭ اۋعان حالقىنا گۋمانيتارلىق كومەك كورسەتۋ جونىندەگى كۇش-جىگەرىن جوعارى باعالادى.
