پرەزيدەنت • 29 قاراشا، 2021

قازاقستان مەن بۇۇ اراسىنداعى ىنتىماقتاستىق تالقىلاندى

36 رەت كورسەتىلدى

مەملەكەت باسشىسى بۇۇ-نىڭ جەنەۆاداعى بولىمشەسىنىڭ باس ديرەكتورى تاتيانا ۆالوۆايامەن كەزدەستى. كەزدەسۋ بارىسىندا قازاقستان مەن بۇۇ اراسىنداعى ىنتىماقتاستىقتىڭ باسىم باعىتتارى تالقىلاندى، دەپ حابارلايدى Egemen.kz اقورداعا سىلتەمە جاساپ.

پاندەمياعا قارسى كۇرەس، ايماقتىق قاۋىپسىزدىك پەن تۇراقتىلىقتى قامتاماسىز ەتۋ بويىنشا كۇش-جىگەر جۇمىلدىرۋ ماسەلەلەرىنە باسا ءمان بەرىلدى.

پرەزيدەنت قازاقستاندا پاندەمياعا قارسى كۇرەس بويىنشا قابىلدانىپ جاتقان شارالار، سونداي-اق ددسۇ دۇنيەجۇزىلىك دەنساۋلىق ساقتاۋ اسسامبلەياسىنىڭ ارناۋلى سەسسياسىندا كوروناۆيرۋستىڭ جاڭا شتاممدارىنا بىرلەسىپ قارسى تۇرۋ ءۇشىن باسقا ەلدەرگە ۇندەۋ تاستاعانىن ايتتى.

قاسىم-جومارت توقاەۆ قازىرگى جاعدايدا بىرىككەن ۇلتتار ۇيىمى مۋلتيلاتەراليزم جۇيەسىنىڭ نەگىزى بولىپ قالا بەرەتىنىن اتاپ ءوتتى. قازاقستان تاۋەلسىزدىكتىڭ العاشقى كۇندەرىنەن باستاپ دۇنيەجۇزىلىك ۇيىمنىڭ قاعيداتتارىنا، ماقساتتارى مەن مىندەتتەرىنە بەيىلدى بولدى جانە سولاي بولا بەرەدى.

مەملەكەت باسشىسى قازاقستاننىڭ يادرولىق قارۋسىزدانۋعا جانە جاپپاي قىرىپ-جويۋ قارۋىن تاراتپاۋ رەجيمىن نىعايتۋعا ەلەۋلى ۇلەس قوساتىنىن جانە وسى جۇمىستاردى جالعاستىرا بەرەتىنىن جەتكىزدى.

كەزدەسۋدە ورتالىق ازياداعى احۋال، اۋعانستانعا كومەك كورسەتۋ جونىندەگى بۇۇ ميسسياسىن (UNAMA) الماتىدا ورنالاستىرۋ ماسەلەسى، ورنىقتى دامۋ ماقساتتارى بويىنشا بۇۇ-نىڭ وڭىرلىك ورتالىعىن ءوز اۋماعىندا قۇرۋ جونىندەگى قازاقستاننىڭ باستاماسى تالقىلاندى.

اڭگىمەلەسۋ بارىسىندا قازاقستاندا جۇرگىزىلىپ جاتقان ساياسي رەفورمالار، ادام قۇقىقتارى مەن بوستاندىعى، گەندەرلىك ماسەلەلەر ءسوز بولدى.

تاتيانا ۆالوۆايا مەملەكەت باسشىسىن قازاقستان تاۋەلسىزدىگىنىڭ 30 جىلدىعىمەن قۇتتىقتاپ، ەلىمىزدىڭ وسى ۋاقىت ارالىعىندا ەلەۋلى جەتىستىكتەرگە قول جەتكىزگەنىن اتاپ ءوتتى. ول قاسىم-جومارت توقاەۆقا 2011-2013 جىلدارى ءوزى باسقارعان بۇۇ-نىڭ جەنەۆا بولىمشەسىندەگى ۇجىمىنىڭ ىستىق سالەمىن جانە ىزگى تىلەكتەرىن جەتكىزدى.

سوڭعى جاڭالىقتار

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار