ايماقتار • 29 قاراشا، 2021

جەتىسۋدىڭ كوشباسشى جاستارى ماراپاتتالدى

45 رەت كورسەتىلدى

تۇڭعىش پرەزيدەنت كۇنى قارساڭىندا الماتى وبلىسى اكىمدىگى وڭىردەگى بەلسەندى جاستاردى «كوشباسشى - 2021» جاستار سىيلىعىمەن ماراپاتتادى. ال سىلىقتى اقپارات جانە قوعامدىق دامۋ ءمينيسترىنىڭ ورىنباسارى بولات تىلەپوۆ ارنايى تاپسىردى، دەپ حابارلايدى Egemen.kz.

«الماتى وبلىسىندا 14 پەن 29 جاس ارالىعىنداعى 400 مىڭداي جاس تۇرادى. ولاردىڭ ارقايسىنىڭ بويىندا جاستىق جالىن، جاستىق جىگەر بار. تۇڭعىش پرەزيدەنت كۇنى قارساڭىندا ءوز سالالارىندا بەلسەندىلىگىمەن، ايتۋلى جەتىستىكتەرىمەن ەرەكشەلەنگەن جاستاردى ماراپاتتاپ وتىرمىز. مۇنداي بەلەسكە وڭىردە جاستار ساياساتىنىڭ وڭدى جۇرگىزىلۋىنىڭ ناتيجەسىندە جەتىپ وتىرمىز. ماسەلەن، وبلىستاعى جاستاردىڭ ۆولونتەرلىك ۇيىمدارىنىڭ قاتىسۋىمەن 5 مىڭداي قايىرىمدىلىق شاراسى وتكىزىلدى، 38 مىڭداي ادامعا الەۋمەتتىك كومەك كورسەتىلدى، ۆولونتەرلاردىڭ قولداۋىنىڭ ارقاسىندا 92 وتباسى جاڭا قونىسقا يە بولدى.  بۇل مىسالدار مەن سانداردىڭ ءوزى-اق سويلەپ تۇر. جەتىسۋلىق جاستار وسىنداي بەلسەندى ءومىر سالتىن، جەتىستىكتەر جولىن ودان ءارى جالعاستىرادى دەپ سەنەمىن»، دەدى وبلىس اكىمىنىڭ ورىنباسارى باتىرجان بايجۇمانوۆ.

مۇنان سوڭ جيىن ماراپاتتاۋ راسىمىمەن جالعاستى. كوشباسشى اتانعاندار قاتارىندا يلفات ابدۋللين «ۇزدىك سپورتشى» دەپ تانىلدى. ول حالىقارالىق دارەجەدەگى سپورت شەبەرى، ساداق اتۋدان ۇلتتىق قۇرامانىڭ مۇشەسى. توكيو وليمپياداسىنا قاتىسقان. جاپونيادا وتكەن وليمپيادادا جەكە بىرىنشىلىكتە 64 قاتىسۋشىنىڭ ىشىنەن 9-شى ورىنعا تابان تىرەدى. بۇل – قازاقستاننىڭ تاۋەلسىزدىك جىلدارى تاريحىنداعى ۇزدىك ناتيجە. ايتۋلى جەتىستىكتەرىمەن دارالانعاندار قاتارىندا «ۇزدىك ستۋدەنت» اتانعان داريا ءىلياس تا بار. ول «ەلباسى مەدالى» جوباسىنىڭ قولا مەدال يەگەرى. تالدىقورعان اگروتەحنيكالىق كوللەدجىندە وقيدى، ەلىمىزدىڭ ۇزدىك ستۋدەنتتەرى اكادەمياسىنىڭ مۇشەسى. «ۇزدىك جاس ادەبيەتشى» اتانعان اسىل سۇلتانعازى – «اق قاۋىرسىن» ادەبي بايقاۋىنىڭ لاۋرەاتى، «تۇل دۇنيە» ولەڭدەر جيناعىنىڭ اۆتورى، رەسپۋبليكالىق، وبلىستىق ادەبي بايقاۋلاردىڭ بىرنەشە دۇركىن جەڭىمپازى. ال جاس كاسىپكەرلەر اراسىندا جانات تاتىباەۆ ۇزدىك دەپ تانىلدى. ول جاستار جىلى اياسىندا 3 ملن تەڭگە كولەمىندەگى گرانتتىڭ يەگەرى بولعان، قازىر قۇس فابريكاسىن اشۋعا دايىندىق جۇرگىزىپ جاتىر، «بالاپان» باعدارلاماسىمەن اشىلعان «ياسلي» بالاباقشانىڭ ديرەكتورى. «ۇزدىك جاس ورىنداۋشى» نوميناتسياسىندا «AMANAT musiس» حالىقارالىق فەستيۆالىنىڭ لاۋرەاتى داۋرەن بەرىكبولوۆ قارا ءۇزىپ شىقتى. سونىمەن قاتار ول قىرعىز-قازاق فەستيۆالىندە 14 ەلدىڭ ونەرپازدارى اراسىنان ءىى ورىندى يەلەنگەن، قىرعىزستانداعى «جىل تاڭداۋى - 2020» سىيلىعىنىڭ «جىلدىڭ جاس، ۇزدىك ءارتىسى» نوميناتسياسىن جەڭىپ العان. «جەتىسۋ» تەلەارناسىنىڭ رەداكتورى كامشات مۇحامەتجان «ۇزدىك جاس جۋرناليست» اتاندى. ول «حالىق العىسى» توسبەلگىسىنىڭ يەگەرى، تۇركىتىلدەس جۋرناليستەر قورى ۇيىمداستىرعان بايقاۋدا «اقپارات تاراتاتىن ۇزدىك ءتىلشى» نوميناتسياسىن جەڭىپ الدى. سونداي-اق، ءۇش بالا تاربيەلەپ وتىرعان نۇرپەيىسوۆتەر وتباسى ەڭ ۇزدىك جاس وتباسى رەتىندە ماراپاتتالدى. بۇل جاس شاڭىراق - «جاس وتاۋ» وبلىستىق بايقاۋىنىڭ جەڭىمپازى. جالپى، وسى كۇنى بارلىعى 20 جاس كوشباسشى ماراپاتتالىپ، ولارعا ارنايى ديپلومدار، ەستەلىك سىيلىقتار مەن اقشالاي سەرتيفيكاتتار تابىستالدى.

جالپى الماتى وبلىسىندا جاستار اراسىنداعى جۇمىسسىزدىق دەڭگەيىن تومەندەتۋ، جۇمىسپەن قامتۋعا جاعداي جاساۋ، ەڭبەك نارىعىندا جاستاردىڭ باسەكەگە قابىلەتتىلىگىن ارتتىرۋعا لايىقتى كوڭىل ءبولىنىپ كەلەدى. ماسەلەن، بيىل 15 مىڭنان استام جاس جۇمىسقا ورنالاسقان، جوسپارعا سايكەس «جاستار پراكتيكاسىنا» 1648 تۇلەك جىبەرىلگەن. سول سياقتى «ديپلوممەن - اۋىلعا» باعدارلاماسى بويىنشا 974 جاس مامانعا 284،1 ملن تەڭگە كولەمىندە كوتەرمە جاردەماقى تولەندى. تۇرعىن ءۇي الۋعا 568 مامانعا جالپى سوماسى 2،5 ملرد تەڭگە جەڭىلدەتىلگەن نەسيە بەرىلدى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار