مونەتالاردىڭ ساتىلىمعا شىعاتىن كۇنىنە قاتىستى اقپارات قارجى ۇيىمىنىڭ رەسمي سايتىندا قوسىمشا حابارلانادى. نومينالى 5 000 جانە 500 تەڭگەلىك كۇمىستەن جانە نومينالى 200 جانە 100 تەڭگەلىك مەلحيوردان جاسالعان AQQÝ مونەتالارى «كوشپەندىلەردىڭ عيبادات جانۋارلارى – توتەمدەرى» سەرياسىن جالعاستىرادى.
بۇل سەريا مونەتالارىنىڭ ديزاينى «ساقتاردىڭ اڭ ءستيلى» دەپ اسىرەلەپ بەرىلگەن جانۋاردىڭ ناتۋراليستىك جانە ترافارەتتىك كەسكىنىنىڭ ۇيلەسۋىنە نەگىزدەلگەن. كونە تۇركىلەر ۇعىمىندا اققۋ ەڭ ەجەلگى توتەمدەردىڭ ءبىرى, اۋليە انا جانە ۇرپاق جالعاستىرۋشى ءپىر – ۇماي بولىپ سانالعان. نومينالى 5 000 تەڭگەلىك جانە 500 تەڭگەلىك AQQÝ مونەتالارىنىڭ سيپاتتاماسى. مونەتالار التىن جالاتۋ تەحنولوگياسىمەن جانە گاۋھار تاسىن قوندىرۋ ارقىلى دايىندالدى. مونەتالاردىڭ بەت جاعى مەن سىرتقى كەلبەتىندەگى بەينەلەرى بىردەي. بەت جاعىندا (اۆەرسىندە) ۇلتتىق ويۋ-ورنەكتىڭ قورشاۋىندا سوعىلعان جىلى, نومينالى, قازاقستان تەڭگە سارايىنىڭ تاۋار بەلگىسى مەن مونەتا دايىندالعان مەتالل, ونىڭ سىناماسى مەن ماسساسى تۋرالى جازبا بار.
اينالدىرا – QAZAQSTAN RESPÝBLIKASY • REPUBLIC OF KAZAKHSTAN دەپ جازىلعان. مونەتالاردىڭ ەكىنشى بەتىندە (رەۆەرسىندە) ديامەترى 2 مم گاۋھار ورناتىلعان اققۋلاردىڭ ناتۋراليستىك جانە ترافارەتتىك بەينەسىنەن كومپوزيتسيا, مونەتانىڭ جوعارى بولىگىندە «AQQÝ» جازۋى كورىنىس تاپقان. مونەتانى اينالدىرا دەكوراتيۆتىك رەسىمدەۋ ەلەمەنتتەرى بار ۇلكەن جيەك جۇرگىزىلگەن.
نومينالى 200 جانە 100 تەڭگەلىك AQQÝ مونەتالارىنىڭ سيپاتتاماسى. مونەتا اۆەرسىنىڭ ورتالىق بولىگىندە ۇلتتىق ويۋ-ورنەكتىڭ قورشاۋىندا قازاقستان رەسپۋبليكاسىنىڭ ەلتاڭباسى, قازاقستان تەڭگە سارايىنىڭ تاۋار بەلگىسى جانە مونەتا دايىندالعان مەتالل, ونىڭ سىناماسى مەن ماسساسى تۋرالى جازبا بەينەلەنگەن.
اينالدىرا – QAZAQSTAN RESPÝBLIKASY جانە REPUBLIC OF KAZAKHSTAN دەپ جازىلعان. جوعارى جاعىندا سوعىلعان جىلىن بىلدىرەتىن «2021» دەگەن جازۋ, تومەنگى بولىگىندە نومينالىن بىلدىرەتىن «500 TEŃGE» دەگەن جازۋ ورنالاسقان. مونەتالاردىڭ رەۆەرسىندە اققۋلاردىڭ ناتۋراليستىك جانە ترافارەتتىك بەينەسىنەن كومپوزيتسيا, مونەتانىڭ جوعارى بولىگىندە AQQÝ جازۋى باسىلعان. اينالدىرا دەكوراتيۆتىك رەسىمدەۋ ەلەمەنتتەرى بار ۇلكەن جيەك جۇرگىزىلگەن. بارلىق مونەتا ناقتى قۇنى بويىنشا قازاقستاننىڭ بۇكىل اۋماعىندا تولەمدەردىڭ كەز كەلگەن ءتۇرى بويىنشا قابىلداۋعا, سونداي-اق قازاقستان رەسپۋبليكاسىنىڭ بارلىق بانكىندەگى شوتتاردا اۋدارۋعا, ۇساقتاۋعا جانە ايىرباستاۋعا جاتادى.
كۇمىستەن جاسالعان مونەتالار كادەسىي ورامىندا مەملەكەتتىك تىلدە, ورىس جانە اعىلشىن تىلدەرىندە قۇب نومىرلىك ساپا سەرتيفيكاتىمەن شىعارىلادى. كوللەكتسيالىق مونەتا قازاقستان تەڭگە سارايىندا دايىندالعان.
