تاۋەلسىزدىكتىڭ 30 جىلدىعى • 28 قاراشا، 2021

تۇركيادا قازاقستان تاۋەلسىزدىگىنىڭ 30 جىلدىعىنا ارنالعان كونتسەرت ءوتتى

75 رەت كورسەتىلدى

سەنبى كۇنى تۇركيا رەسپۋبليكاسى مادەنيەت مينيسترلىگىنىڭ پرەزيدەنتتىك سيمفونيالىق وركەسترىنىڭ كونتسەرتتىك زالىندا ەۋرازيا سيمفونيالىق وركەسترىنىڭ قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان كونتسەرتى ءوتتى. شارانى قازاقستاننىڭ تۇركياداعى ەلشىلىگى ۇيىمداستىردى، دەپ حابارلايدى Egemen.kz.

قر ەلشىلىگىنەن ءمالىم ەتكەندەي، كونتسەرتتە قازاقستاننىڭ حالىق ءارتىسى، ەڭبەك سىڭىرگەن قايراتكەرى، قازاق ۇلتتىق ونەر ۋنيۆەرسيتەتىنىڭ رەكتورى، ەسىمى الەمگە تانىمال سكريپكاشى ايمان مۇساقوجاەۆا ونەر كورسەتتى. سونىمەن قاتار، وپەرا ءانشىسى تالعات مۇساباەۆ، دارىندى كومپوزيتور راحات-بي ابدىساعىن ءوز ونەرلەرىن تىڭدارمانعا پاش ەتتى. كونتسەرت ديريجەرى – ايدار تورىباەۆ.

1

سونداي-اق، قازاقتىڭ قارا دومبىراسىمەن حالقىمىزدىڭ ءداستۇرلى كۇيلەرىن ورىنداعان «شابىت» دومبىراشىلار وركەسترى كورەرمەندى ونەرلەرىمەن ءتانتى ەتتى. ال ەۋرازيا سيمفونيالىق وركەسترى وتاندىق جانە الەمدىك مۋزىكا كلاسسيكالارىن ورىنداپ كوپشىلىكتىڭ ىستىق ىقىلاسىنا بولەندى.

سالتاناتتى كەشكە قازاقستان رەسپۋبليكاسىنىڭ تۇركياداعى ەلشىسى ابزال ساپاربەك ۇلى، حالىقارالىق تۇركسوي ۇيىمى باس حاتشىسى دۇيسەن قاسەيىنوۆ جانە انكاراداعى ديپلوماتيالىق ميسسيا باسشىلارى، ديپلوماتتار، تۇركيا مەملەكەتتىك ورگاندار باسشىلارى، ۋنيۆەرسيتەت وقىتۋشىلارى، زيالى قاۋىم، دياسپورا، انكارادا ءبىلىم الىپ جاتقان ستۋدەنتتەر مەن باق وكىلدەرى قاتىستى.

1

كونتسەرتتىڭ اشىلۋ سالتاناتىندا ەلشى ابزال ساپاربەك ۇلى ءسوز سويلەدى.

«عالامعا ورتاق ءتىل – مۋزىكا مەن ونەر قاشاندا ادامداردىڭ باسىن قوسقان. وسى تۇرعىدا ونەر قازاقستان-تۇركيا قارىم-قاتىناسىنداعى باسىم باعىتتاردىڭ ءبىرى بولىپ تابىلادى. شىندىعىندا، ءبىزدىڭ حالىقتارىمىز ەجەلدەن ورتاق قۇندىلىقتاردى بىرىكتىرىپ كەلەدى. قازاقتىڭ ۇلتتىق مۋزىكالىق اسپابى دومبىرانىڭ تۇركيادا ەرەكشە ىقىلاسپەن تىڭدالۋى باۋىرلاستىعىمىزدى ودان ءارى نىعايتۋدa»، دەدى ول.

2

سوڭعى جاڭالىقتار

ۇقساس جاڭالىقتار