تابيعي اپات وسى دەمالىس كۇندەرى نەگىزىنەن انگليا مەن شوتلانديانىڭ سولتۇستىك-شىعىسىندا بولادى دەپ كۇتىلۋدە.
بيلىك بۇل اۋدانداردىڭ تۇرعىندارىنان الداعى كۇندەرگە جوسپارلانعان ساپارلارىن كەيىنگە قالدىرۋدى, سونداي-اق قارتتار مەن كورشىلەرگە ەرەكشە كوڭىل ءبولۋدى سۇرايدى. جاعالاۋداعى قالالاردا ارنايى قاۋىپسىزدىك شارالارىن قولدانۋ ۇسىنىلدى.
مەتەورولوگيالىق قىزمەت وكىلىنىڭ ايتۋىنشا, ونداعى تولقىندار 9-10 مەترگە دەيىن جەتۋى مۇمكىن, سوندىقتان تەڭىز جاعاسىندا سەرۋەندەۋدى كەيىنگە قالدىرۋ كەرەك.
ورتالىق انگليادا قىزعىلت سارى (ورتاشا) قاۋىپتىلىك رەيتينگى بار. انگليا, ۋەلس جانە سولتۇستىك يرلانديانىڭ وڭتۇستىك-باتىسىندا – سارى (ەڭ تومەنگى). دەگەنمەن, سينوپتيكتەر بىرىككەن كورولدىكتە كولىك قوزعالىسىنىڭ توقتاۋى, ەلەكتر قۋاتىنىڭ ءۇزىلۋى, تەلەفون جانە ۇيالى بايلانىستىڭ ىستەن شىعۋى مۇمكىن ەكەندىگىن ەسكەرتەدى.
الداعى دەمالىس كۇندەرى ەلدىڭ كوپتەگەن جەرلەرىندە روجدەستۆولىق فەستيۆالدەر مەن بازارلار توقتاتىلدى. اۋا تەمپەراتۋراسى دا جىلدىڭ وسى ۋاقىتىندا ادەتتەگىدەن سۋىق, ياعني تۇندە نولدەن تومەن, كۇندىز تسەلسي بويىنشا نەبارى 10 گرادۋسقا تاياۋ بولماق.
بۇل بيىل ارۆەن اتاۋىنا يە بولعان داۋىل – ۇلىبريتانياداعى العاشقىسى. ادەتتە اتاۋلار بەلگىلى ءبىر جويقىن كۇشتىڭ تسيكلوندارىنا بەرىلەدى.
