ء«بىز وسى قايعىلى وقيعا تۋرالى ەستىگەن بويدا كوكشەتاۋدان شورتاندىعا جەدەل جەتتىك. گاز باللونىنىڭ جارىلىپ, 13 ادام زارداپ شەكتى. وكىنىشكە وراي, بەس ادام كوز جۇمدى, ولاردىڭ ىشىندە ءۇش بالا بار. زارداپ شەككەندەر نۇر-سۇلتان اۋرۋحانالارىنا جەتكىزىلدى. بۇگىندە التى ادام مەديتسينالىق كومەك الۋدا», دەدى ەرمەك مارجىقپاەۆ ورتالىق كوممۋنيكاتسيالار قىزمەتىنىڭ كوشپەلى ءباسپاسوز ءماسليحاتى بارىسىندا جۋرناليستەردىڭ قويعان سۇراقتارىنا جاۋاپ بەرۋ كەزىندە.
ءوز سوزىندە, ايماق باسشىسى جەدەل شتاب قۇرىلعانىن ەسكە سالدى.
«بىرىنشىدەن, زارداپ شەككەندەردى شۇعىل نۇر-سۇلتانداعى ءبىرىنشى, ەكىنشى قالالىق اۋرۋحانالارعا جاتقىزۋ كەرەك بولدى. وسى رەتتە, دەنساۋلىق ساقتاۋ مينيسترلىگىنە, نۇر-سۇلتان قالاسىنىڭ اكىمدىگىنە ۇلكەن راحمەت. ولار ءبىزدىڭ ناۋقاستاردى جەدەل قابىلدادى. جەرلەۋ راسىمىنە كومەك ۇيىمداستىرىلدى. سونىمەن قاتار, بۇل ۇيدە ءۇش پاتەر بولدى. ولاردىڭ بارلىعى جارامسىز بولىپ قالدى, ءبىز تۇرعىنداردى جەدەل قونىستاندىردىق», دەدى ە.مارجىقپاەۆ.
«اۋداندىق تج جاريالاندى. ءبىز بۇگىن پاتەر ساتىپ الۋ ءۇشىن 30 ميلليون تەڭگە بولدىك. شىن مانىندە, باللون دالادان جىلىتۋ ءۇشىن ۇيگە اكەلىنگەن جانە وسى ساتتە جارىلىس بولدى. ءبىز كورسەتىپ وتىرعان كومەكتەن بولەك, بۇگىن مەشىت تاراپىنان قايىرىمدىلىق شوتى ۇيىمداستىرىلىپ, 13 ميلليون تەڭگەدەن استام قاراجات جينالدى. بۇل قاراجات زارداپ شەككەندەردىڭ ەمدەلۋى, وتباسىلارىنا كومەك كورسەتۋگە جۇمسالادى», دەدى ايماق باسشىسى.
ەسكە سالا كەتەيىك, 16 قاراشادا اقمولا وبلىسىنىڭ شورتاندى كەنتىندە لينەينايا كوشەسىندە گاز باللونىنىڭ جارىلدى. وقيعا ورنىنان ءۇش ادامنىڭ دەنەسى تابىلدى. ءار ءتۇرلى جاراقاتپەن ون ادام ورتالىق اۋداندىق اۋرۋحاناعا جاتقىزىلدى. نۇر-سۇلتاندا 12 جاسار بالا وقيعا سالدارىنان كوز جۇمدى.
ال, 23 قاراشادا گاز باللونىنىڭ جارىلىسىنان زارداپ شەككەن قىز قايتىس بولدى. اقمولا وبلىسىندا زارداپ شەككەندەرگە كومەك كورسەتۋ جونىندەگى شتاب قۇرىلدى.
