تۇركىستان قالاسىندا ءوتىپ جاتقان قۇرىلتايدا قوعامنىڭ ۆيتسە-پرەزيدەنتتەرى بولىپ ماكسيم روجين مەن انار فازىلجانوۆا تانىستىرىلدى.
جيىن بارىسىندا قازاق ءتىلىنىڭ قوعامداعى ماڭىزىن ارتتىرۋ ماسەلەلەرى تالقىلانىپ, تىلگە قاتىستى زاڭعا وزگەرىستەر ەنگىزۋ ۇسىنىلدى.
ايتا كەتسەك, بۇگىن تۇركىستان قالاسىندا حالىقارالىق «قازاق ءتىلى» قوعامىنىڭ قۇرىلتايى وتۋدە. اۋقىمدى شاراعا مەملەكەتتىك حاتشى قىرىمبەك كوشەرباەۆ, پرەمەر-ءمينيستردىڭ ورىنباسارى ەرالى توعجانوۆ, سونداي-اق ءبىلىم جانە عىلىم ءمينيسترى اسحات ايماعامبەتوۆ پەن پارلامەنت دەپۋتاتتارى قاتىسۋدا. ەلىمىزدىڭ بارلىق وڭىرىنەن كەلگەن قوعام قايراتكەرلەرى مەن زيالى قاۋىم وكىلدەرىنىڭ, وبلىستار مەن قالا باسشىلارى باستاعان ءتىل جاناشىرلارى وزەكتى ماسەلەنى ءوزارا تالقىعا سالۋدا.
