تۇرىكمەنستاننىڭ قازاقستانداعى توتەنشە جانە وكىلەتتى ەلشىسى باتىر رەدجەپوۆ جيىندا سوڭعى ۋاقىتتا بەلسەندى دامىپ كەلە جاتقان تۇرىكمەنستان-قازاقستان باۋىرلاستىق قاتىناستارىنا ەرەكشە نازار اۋداردى. ەلشى اتاپ وتكەندەي, تۇرىكمەنستان بۇۇ باس اسسامبلەياسىنىڭ ءتيىستى قارارلارىمەن ەكى رەت راستالعان ءوزىنىڭ تۇراقتى بەيتاراپ مارتەبەسىنە سۇيەنە وتىرىپ, الەمنىڭ كوپتەگەن ەلىمەن بەلسەندى جانە سىندارلى ديالوگ جۇرگىزۋدى قولدايدى. بۇل تۇرعىدا قازاقستانمەن ءوزارا بايلانىستاردى دامىتۋ جانە نىعايتۋ تۇرىكمەنستاننىڭ سىرتقى ساياسي كۇن تارتىبىندە ماڭىزدى ورىن الادى. «تۇرىكمەنستاننىڭ باستاماسىمەن 2021 جىل بەيبىتشىلىك جانە سەنىم جىلى دەپ جاريالانعانى بەلگىلى. ويتكەنى تۇرىكمەنستاننىڭ بەيتاراپتىعى بىتىمگەرشىلىك, بەيبىت سيپاتقا يە. ءبىز بۇكىل الەمدە بەيبىتشىلىكتى ناسيحاتتايمىز», دەدى ب.رەدجەپوۆ.
سونداي-اق ەلشى قازاقستان مەن تۇرىكمەنستان اراسىنداعى ەكىجاقتى ىنتىماقتاستىققا توقتالىپ ءوتتى. قازىرگى تاڭدا ساياسي-ەكونوميكالىق جانە سەنىمدى سەرىكتەستىك نەگىزىندە قۇرىلعان تۇرىكمەنستان-قازاقستان ديالوگى جاڭا سەرپىن مەن مازمۇنعا يە. ءبىزدىڭ مەملەكەتتىڭ ءوزارا ىنتىماقتاستىعى جەكە مۇددەنى كوزدەمەيدى. تۇرىكمەنستان مەن قازاقستان ەۋرازيا كەڭىستىگىندە يگىلىكتى ماقساتتاردى جۇزەگە اسىرۋدا ەكىجاقتى كۇش-جىگەر مەن ينفراقۇرىلىمدى بىرىكتىرىپ, ناتيجەسىندە اۋقىمدى جوبالار ىسكە اسىپ جاتىر», دەدى ول.
تۇرىكمەنستان ەلشىسى ەلدىڭ وڭىرلىك جانە جاھاندىق قاۋىپسىزدىكتى نىعايتۋ ماسەلەلەرىندە دە قازاقستانمەن بەلسەندى ءوزارا ءىس-قيمىل ورناتقانىن اتاپ ءوتتى. ەلشى ءىرى حالىقارالىق ۇيىمدار شەڭبەرىندە ىنتىماقتاستىق پەن بىرلەسكەن قادامداردى ۇيلەستىرۋ دەڭگەيى جوعارى ەكەنىنە ەرەكشە توقتالدى. قازاقستان تاراپىنان تۇرىكمەنستاننىڭ بەيتاراپ سىرتقى ساياسي باعىتى مەن ونىڭ باستامالارىنىڭ, سونىڭ ىشىندە ەنەرگەتيكا, كولىك جانە ەكولوگيا سياقتى حالىقارالىق سەرىكتەستىكتىڭ ماڭىزدى باعىتتارى بويىنشا قولداۋ جوعارى باعالانادى. ء«ارتۇرلى دەڭگەيدەگى جەمىستى مەملەكەتارالىق بايلانىستار, ياعني ساياسي-ديپلوماتيالىق, ساۋدا-ەكونوميكالىق جانە گۋمانيتارلىق-مادەني ارىپتەستىك ءوزارا ءتيىمدى ءىس-قيمىلدىڭ جارقىن مىسالى ەكەنىن ايتا الامىز», دەدى ب.رەدجەپوۆ.
تۇرىكمەنستان مەن قازاقستان بۇۇ-نىڭ قاۋىپسىزدىك كەڭەسى, ەكونوميكالىق جانە الەۋمەتتىك كەڭەس, ادام قۇقىقتارى جونىندەگى كەڭەس جانە باسقا دا ماڭىزدى ورگاندارىنا سايلاۋدا ءوزارا قولداۋ كورسەتتى. 2021 جىلى قازاقستان بۇۇ قابىرعاسىندا تۇرىكمەنستاننىڭ باستاماسى بويىنشا قۇرىلعان بەيتاراپتىق دوستارى توبىنا جانە پاندەميا كەزىندە, سونىمەن بىرگە ودان كەيىنگى ورتالىق ازياداعى پرەۆەنتيۆتى ديپلوماتيا جانە كولىكتىك ىنتىماقتاستىق تاقىرىبى بويىنشا قارارلاردىڭ بىرلەسكەن اۆتورلىعىنا قوسىلدى. 2021 جىلعى ماۋسىمدا ەلباسى نۇرسۇلتان نازارباەۆتىڭ باستاماسىمەن قۇرىلعان ازياداعى ءوزارا ءىس-قيمىل جانە سەنىم شارالارى كەڭەسىنىڭ (اوسشك) حالىقارالىق فورۋمىندا تۇرىكمەنستانعا بايقاۋشى مارتەبەسىن بەرۋ تۋرالى شەشىم قابىلداندى.
مەملەكەتتەر باسشىلارى گۋربانگۋلى بەردىمۇحامەدوۆ پەن قاسىم-جومارت توقاەۆتىڭ جۇيەلى كەزدەسۋلەرى, ولاردىڭ ءوزارا جىلى جانە سەنىمدى قارىم-قاتىناستارى تۇرىكمەنستان مەن قازاقستاننىڭ ەكىجاقتى جانە كوپجاقتى فورماتتا, ءبىرىنشى كەزەكتە ءىرى حالىقارالىق ۇيىمدار اياسىندا تابىستى قۇرىلاتىن ءداستۇرلى ارىپتەستىكتى جانداندىرۋ مەن كەڭەيتۋگە ۇمتىلىسىنىڭ ۇزدىك دالەلى. جيىن بارىسىندا ب.رەدجەپوۆ قازاقستان پرەزيدەنتى قاسىم-جومارت توقاەۆتىڭ 2021 جىلعى 5-6 تامىزداعى ورتالىق ازيا مەملەكەتتەرى باسشىلارىنىڭ ءۇشىنشى كونسۋلتاتيۆتىك كەزدەسۋىنە قاتىسۋ مەن تۇرىكمەنستانعا ساپارى تۋرالى ەگجەي-تەگجەيلى ايتىپ بەردى. «قاسىم-جومارت توقاەۆتىڭ تۇرىكمەنستانعا مەملەكەتتىك ساپارى بارىسىندا مەملەكەتتەر باسشىلارى قازاقستاندا تۇرىكمەنستاننىڭ مادەني كۇندەرىن اتاپ ءوتۋ تۋرالى كەلىسكەنىنە توقتالدى. ەل پرەزيدەنتتەرىنىڭ رەسمي كەزدەسۋىنەن كەيىن ءوزارا بايلانىس قايتا سەرپىن الدى. بۇگىندە ءبىز تۇرىكمەنستاننىڭ مادەني كۇندەرىن اتاپ ءوتۋ ماقساتىندا قازاقستاننىڭ مادەنيەت جانە سپورت مينيسترلىگىمەن بىرلەسكەن جۇمىس ىستەپ جاتىرمىز», دەدى ب.رەدجەپوۆ.
ەلشىنىڭ ايتۋىنشا, اتالعان مادەني شارانى وتكىزۋ كەلەسى جىلعا جوسپارلانىپ وتىر. «سونداي-اق مادەني شارالاردان بولەك, ەكىجاقتى ساۋدا-ەكونوميكالىق قاتىناس تا ءبىر ىزگە قويىلعان. ولاردىڭ اراسىندا ىنتىماقتاستىق تۋرالى دوستىق قاتىناستار تۋرالى شارت بار. ودان بولەك, تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ 2017 جىلى قازاقستانعا جاساعان مەملەكەتتىك ساپارى شەڭبەرىندە قول قويىلعان ستراتەگيالىق ارىپتەستىك تۋرالى شارت ءوز كۇشىندە», دەدى ەلشى.
