ايماقتار • 25 قاراشا، 2021

شىمكەنتتە جاڭا ادىسپەن قۇلپىناي وسىرىلە باستادى

193 رەت كورسەتىلدى

شىمكەنت قالاسىندا تۇرعىنداردى جيدەك ونىمدەرىمەن قامتاماسىز ەتۋ ءۇشىن بيىل العاش رەت 0،5 گا جەرگە جاڭا ادىسپەن قۇلپىناي وسىرىلە باستادى. وندا عىلىم مەن تەحنيكالىق جەتىستىكتەردى قولدانۋ ارقىلى «البا» جانە «كليري» سۇرىپتارى ەگىلگەن، دەپ حابارلايدى Egemen.kz.

يننوۆاتسيالىق جوبا شارۋالارعا قالالىق اۋىل شارۋاشىلىعى جانە ۆەتەريناريا باسقارماسى مەن كاسىپكەرلەر پالاتاسىنىڭ ۇيىمداستىرۋىمەن وتكەن سەميناردا پراكتيكالىق نەگىزدە كورسەتىلدى.

بۇل جوبا – ءۇي ىرگەلىك جەرلەردى يگەرىپ، قالا حالقىنىڭ تابىسىن ارتتىرۋ جانە تۇرعىنداردى قۇلپىناي ونىمىمەن قامتۋ ماقساتىندا قولعا الىندى.

ماماندار قۇلپىنايدى جىلىجايدا پلاستيك پاكەتتەرگە وتىرعىزۋ ارقىلى كوپ ءونىم الۋعا بولاتىنىن ايتادى. قۇلپىنايدى ءوسىرۋ ءۇشىن تامشىلاتىپ سۋارۋ ءادىسى قولدانىلادى.

1

قازىرگى ۋاقىتتا قۇلپىناي ونىمدەرىنىڭ 70-90% جەكە قوسالقى شارۋاشىلىقتاردا ەگىلەدى. الايدا، ولار زاماناۋي تەحنولوگيالاردى قولدانباۋىنان ونىمدىلىك تومەن جانە تەك ماۋسىم ارالىق مەرزىمدە عانا وسىرەدى. نەگىزىنەن قازاقستان بويىنشا قۇلپىناي بيزنەسى دامىماعان، نارىقتا كوبىنەسە يمپورتتىق قۇلپىنايلار ساۋدا سورەلەرىنەن تابىلادى.

ماماندار بۇگىندە جيدەك داقىلدارىنىڭ، ونىڭ ىشىندە باقشا قۇلپىنايىنىڭ اسسورتيمەنتىن كەڭەيتۋ جانە ونىمدىلىگىن ارتتىرۋ پروبلەماسى وتە وتكىر ەكەنىن ايتادى. سوندىقتان وسى جوبانى جۇزەگە اسىرۋ ارقىلى قالا حالقىن وتاندىق ونىممەن قامتۋ مۇمكىندىگى ارتاتىنىن جەتكىزدى.

جوبا ءساتتى جۇزەگە اساتىن بولسا، جاڭا تەحنولوگيا قالانىڭ باسقا دا فەرمەرلىك شارۋاشىلىقتارىندا ەنگىزىلەتىن بولادى.

2

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار