ايماقتار • 25 قاراشا، 2021

الماتىدا جولاقى قىمباتتاۋى مۇمكىن

16 رەت كورسەتىلدى

الماتى بيلىگى قوعامدىق كولىكتە جولاقى قىمباتتاۋى مۇمكىن ەكەنىن ايتتى. بۇل تۋرالى بريفينگتە قالا اكىمىنىڭ ورىنباسارى سەرىك قۇسايىنوۆ مالىمدەدى، دەپ حابارلايدى Egemen.kz.

ونىڭ ايتۋىنشا، بۇگىندە الماتىدا 151 قالالىق باعىت بار. ونىڭ تەڭ جارتىسىنا «الماتىەلەكتروترانس» كوممۋنالدىق كولىك پاركى قىزمەت كورسەتەدى. قالعان باعىتتار 20 جەكە كومپانياعا بەرىلگەن. قۇسايىنوۆتىڭ ايتۋىنشا، تاسىمالداۋشىلار تاريفتەردى كوتەرۋ ماسەلەسىن جيىن وتكەن سايىن كوتەرەدى.

ء«بىز ءتاريفتى ەرتەڭ كوتەرەمىز دەپ وتىرعان جوقپىز. ءبىز جالپى بار ماسەلەنى ايتىپ وتىرمىز. ءتاريفتى كوتەرۋ كەرەك. قازىر 80 تەڭگە. ەگەر ءبىز ءتاريفتى كوتەرەتىن بولساق، قالا تۇرعىندارىمەن اقىلداساتىن بولامىز. بۇل سۇراق وتە وزەكتى. سەبەبى تاسىمالداۋشىلار ماعان تاريفتەردى قاشان كوتەرەتىنىمىز تۋرالى ءجيى سۇرايدى. كوكتەمدە بۇل ماسەلەگە قوعامدىق تالقىلاۋلاردان كەيىن ورالامىز دەپ ويلايمىن. كەلىسىمسىز باعا كوتەرىلمەيدى»، دەدى قۇسايىنوۆ.

ول بۇگىنگى كۇنگە دەيىن قالا اكىمدىگى تاسىمالداۋشىلارعا تولەيتىن سۋبسيديالار مەن دوتاتسيالار ماسەلەسىن كوتەرمەگەنىن ايتتى.

«بۇل ماسەلەگە وسى جىلدىڭ باسىندا تاسىمالداۋشىلارعا تولەيتىن اقشا مولشەرىن كورگەندە عانا نازار اۋداردىق. جىلىنا 40 ميلليارد تەڭگە تولەيمىز. بۇل ەڭ ۇلكەن ەلدىك كورسەتكىش. بىردە-ءبىر ءوڭىر الماتىدا تاسىمالداۋشىلارعا بەرگەندەي اقشا پايدالانبايدى. سوندىقتان، قالا بيۋدجەتى بۇنداي اقشا كولەمىمەن كۇرەسە المايدى دەگەن سۇراق تۋىندادى»، دەپ تولىقتىردى اكىمنىڭ ورىنباسارى.

قۇسايىنوۆ بولجام بويىنشا اكىمدىك الداعى ۋاقىتتا جىلىنا 60-70 ميلليارد تەڭگەدەن استام سۋبسيديا تولەۋى ءتيىس ەكەنىن ايتتى.

ء«بىز مۇنى كوتەرە المايمىز. سوندىقتان ءبىز ەكونوميكانىڭ ۇدەرىسىن ءتۇسىنىپ، تەرەڭدەي باستادىق. ءبىز سۋبسيديالار بويىنشا ەسەپ ايىرىسۋ ءپرينتسيپى بىزگە سايكەس كەلمەيتىنىن كوردىك. بۇل ونداعان جىلدار بۇرىن جاسالعان. بىراق قازىر ءاربىر تيىندى ساناپ، اقشانى ۇنەمدەۋگە تىرىسىپ، كىرىس-شىعىسىمىزدى مۇقيات ەسەپتەپ وتىرعاندا سۋبسيديالاردىڭ ۇلكەن شىعىن ەكەنىن بايقادىق، ويتكەنى 60-70 ميللياردقا ونداعان مەكتەپ سالۋعا، جاڭا اۆتوبۋستار ساتىپ الۋعا بولادى.

سوندىقتان ءبىز يندۋستريا جانە ينفراقۇرىلىمدىق دامۋ مينيسترلىگىنە سۋبسيديالاردى ەسەپتەۋ پرينتسيپتەرىندە سۇراقتار بار ەكەنىن ايتىپ حات جولدادىق. ءبىز كەلىسپەيتىندىگىمىزدى بىلدىردىك جانە وسى ەسەپتەردى قايتا قاراۋ ءۇشىن وسى باعىتتا جۇمىس ىستەپ جاتىرمىز»، دەپ تۇيىندەدى ءسوزىن سەرىك قۇسايىنوۆ.

الماتىدا بۇگىندە 2400-دەن استام قوعامدىق كولىك جۇمىس ىستەيدى. ونىڭ ىشىندە 515 گازبەن جۇرەتىن اۆتوبۋس، 196 تروللەيبۋس، 15 ەلەكتروبۋس جانە 1715 ديزەلدى اۆتوبۋس بار. «الماتىەلەكتروترانس» بيىلعى جانە الداعى جىلدارى گازبەن جۇرەتىن 300 اۆتوبۋس ساتىپ الۋدى جوسپارلاپ وتىر. سونىمەن قاتار، جەكە ينۆەستور 2025 جىلعا قاراي 500 ءموبيلدى بىرلىككە دەيىن ارتتىرا وتىرىپ، قالالىق مارشرۋتتارعا قىزمەت كورسەتۋ ءۇشىن 200-گە دەيىن گازبەن جۇرەتىن اۆتوبۋستاردى ساتىپ الۋ، 2022 جىلى جاڭا اۆتوبۋس پاركىن سالۋ ماسەلەسىن قاراستىرىپ جاتىر. سونداي-اق 2022 جىلى الاتاۋ اۋدانىنداعى يندۋستريالىق ايماقتا اۆتوبۋس پاركىنىڭ قۇرىلىسىن اياقتاۋ جوسپارى بار.

ناۋرىزباي اۋدانىنداعى اباي داڭعىلىن تەسۋ جۇمىستارى اياقتالعاننان كەيىن كولىك جۇيەسىنە تۇسەتىن جۇكتەمەنى ازايتۋعا جانە بۇرىننان بار قالالىق باعىتتاردىڭ ءبىر بولىگىن تۇسىرۋگە كومەكتەسەتىن جاڭا مارشرۋتتار ۇيىمداستىرىلادى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار