كۋرسقا 10 وبلىستان 442 تىڭداۋشى قاتىستى. ونىڭ ىشىندە مەكتەپكە دەيىنگى تاربيە مەن وقىتۋ ۇيىمدارىنىڭ 34 مەڭگەرۋشىسى, 49 ادىسكەر, 305 تاربيەشى, 34 ءپان مۇعالىمدەرى بار.
اتالعان كۋرستاردى وتكىزۋ باستاماسى اباي اتىنداعى قازۇپۋ-دىڭ دامۋ ستراتەگياسى اياسىندا قازاقستان رەسپۋبليكاسىنداعى مەكتەپكە دەيىنگى تاربيە مەن وقىتۋدى جاڭارتۋ جانە قايتا فورماتتاۋ ۇردىسىنەن تۋىندادى. كۋرس باعدارلاماسى مەملەكەتتىك جالپىعا مىندەتتى ستاندارتىنا جانە مەكتەپكە دەيىنگى تاربيە مەن وقىتۋدىڭ ۇلگىلىك وقۋ باعدارلاماسىنا سايكەس ءبىلىم بەرۋ مازمۇنىن جاڭارتۋ جاعدايىندا جاڭا كاسىبي مىندەتتەردى شەشۋ ءۇشىن قاجەتتى تەوريالىق ءبىلىم مەن پراكتيكالىق داعدىلاردى الۋعا باعىتتالعان.
كۋرس تىڭداۋشىلارىنىڭ مەكتەپكە دەيىنگى تاربيە مەن وقىتۋ مازمۇنىن جاڭارتۋ بويىنشا جاڭا نورماتيۆتىك قۇجاتتارمەن, عىلىمي-پەداگوگيكالىق جانە ادىستەمەلىك ادەبيەتتەرمەن تانىسۋعا, 4ك مودەلىن دامىتۋ بويىنشا ءبىلىم بەرۋ پروتسەسىنىڭ تەوريالىق اسپەكتىلەرىن تۇسىنۋدە قولداۋ الۋعا, مەكتەپكە دەيىنگى تاربيە مەن وقىتۋدىڭ مەملەكەتتىك جالپىعا مىندەتتى ستاندارتى جاڭا تالاپتارىنا سايكەس پەداگوگيكالىق قىزمەتتى ىسكە اسىرۋ بويىنشا قۇزىرەتتىلىكتەردى جەتىلدىرۋگە, ت.ب. تاقىرىپتاردى تۇسىنۋگە مۇمكىندىك الدى.
كۋرس جۇمىسىنا مەكتەپكە دەيىنگى تاربيە مەن وقىتۋ جۇيەسى ءۇشىن ەڭ قولايلى زاماناۋي پەداگوگيكالىق تەحنولوگيالار بويىنشا ماتەريالدار دايىنداعان اباي اتىنداعى قازۇپۋ پەداگوگيكا عىلىمدارىنىڭ ماگيسترلەرى ساعىنىش وشاكپاەۆا مەن ساۋلە ەركەباەۆا جانە باتىس قازاقستان وبلىسى, ءبورلى اۋداندىق ءبىلىم ءبولىمى «اقساي ق. №1 بوبەكجايى» ادىسكەرى سامال نۇگمانوۆا - «بالاباقشا مەن وتباسىنىڭ ءوزارا ارەكەتتەسۋىنىڭ يننوۆاتسيالىق فورمالارى بىرىڭعاي ءبىلىم بەرۋ كەڭىستىگىن قۇرۋ شارتى» تاقىرىبىندا مەكتەپكە دەيىنگى تاربيە مەن وقىتۋ ۇيىمدارىندا اتا-انامەن بايلانىس باعىتىندا جۇمىستاردى ۇيىمداستىرۋ تاجىريبەسىمەن ءبولىستى.
كۋرس قورىتىندىسى بويىنشا اباي اتىنداعى قازۇپۋ-دىڭ اكادەميالىق ىستەر جونىندەگى پرورەكتورى ماقتاعالي بەكتەمەسوۆ جانە اكادەميالىق ماسەلەلەر جونىندەگى دەپارتامەنت ديرەكتورى حايرۋللا جانبەكوۆتىڭ قاتىسۋىمەن دوڭگەلەك ۇستەل وتكىزىلدى. بۇل ءىس-شارانىڭ قوناقتارى ى. التىنسارين اتىنداعى ۇلتتىق ءبىلىم اكادەمياسىنىڭ مەكتەپالدى دايارلىق جانە باستاۋىش ءبىلىم بەرۋ زەرتحاناسىنىڭ مەڭگەرۋشىسى بيجان يگەنباەۆا, ورتا ءبىلىم بەرۋ ينستيتۋتىنىڭ ديرەكتورى اليا چوكۋشەۆا, قازاقستان رەسپۋبليكسى ءبىلىم جانە عىلىم مينيسترلىگى, رەسپۋبليكالىق ەرتە جاستاعى بالالاردى دامىتۋ ينستيتۋتىنىڭ ءبولىم مەڭگەرۋشىسى ماريا ەرمانوۆا قاتىستى.
جوعارى وقۋ ورىنىنىڭ باسشىلارى تىڭداۋشىلاردى مەكتەپكە دەيىنگى ءبىلىم بەرۋ ۇيىمدارىمەن جۇمىس باعىتتارى تۋرالى حاباردار ەتىپ, ادىستەمەلىك قولداۋدىڭ ۇزاق مەرزىمدى ماڭىزدىلىعىن ءتۇسىندىردى.
