الەم • 25 قاراشا, 2021

ساۋلە وماروۆا اقش-تا جوعارى لاۋازىمعا تاعايىندالماي قالۋى مۇمكىن

466 رەت

كورسەتىلدى

1 مين

وقۋ ءۇشىن

قازاقستان تۋماسى ساۋلە وماروۆانىڭ اقش-تا جوعارى لاۋازىمعا تاعايىندالۋىنا كونگرەسستەگى بىرقاتار دەموكرات قارسىلىق ءبىلدىردى. وسىدان كەيىن وماروۆانىڭ بۇل لاۋزىمعا تاعايىندالماي قالۋى مۇمكىن ەكەنى ايتىلدى, دەپ حابارلايدى Egemen.kz.

گاۋھار قاپاش

ساۋلە وماروۆا اقش-تا جوعارى لاۋازىمعا تاعايىندالماي قالۋى مۇمكىن

بۇل تۋرالى Daily Mail باسىلىمى جازادى.

بۇل تۋرالى العاش رەت Axios پورتالى ءوز دەرەككوزىنە سىلتەمە جاساي وتىرىپ جازدى. وندا سەناتورلار دجون تەستەر, مارك ۋورنەر جانە كيرستەن سينەما سەنات بانك كوميتەتىنىڭ توراعاسى شەررود براۋنمەن تەلەفون ارقىلى سويلەسكەندە وماروۆانىڭ كانديداتۋراسىن قولدامايتىنىن ايتقانى كورسەتىلگەن.

سونداي-اق, ولارعا دەموكرات سەناتورلار دجون حيكەنلۋپەر مەن مارك كەللي دە قوسىلدى. دەرەككە سۇيەنسەك, ولار بۇل تۋرالى وماروۆا حانىمدى ۇسىنعان اق ۇيگە دە حابارلاعان. پورتال بولجامى بويىنشا, بۇدان كەيىن ونى تاعايىنداۋ مۇمكىن ەمەس.

بۇل رەتتە اق ءۇي وكىلى اكىمشىلىك ءوز تاڭداۋىن ۇستاناتىنىن ايتتى.

«ساۋلە وماروۆا بۇل لاۋازىمعا لايىقتى. ول ۇسىنىلعان ساتتەن باستاپ, رەسپۋبليكاشىلاردان ادىلەتسىز قۋدالاۋعا ۇشىرادى», دەدى شەنەۋنىك.

بۇعان دەيىن اقش سەناتىندا بانك رەتتەۋشىسىنىڭ باسشىسى لاۋازىمىنا ساۋلە وماروۆانىڭ كانديداتۋراسىن ۇسىنۋ كەزىندە داۋ شىققانى حابارلانعان بولاتىن.