ەلوردا • 25 قاراشا، 2021

پوليتسەيلەر استانالىق كولىك جۇرگىزۋشىلەرگە ۇندەۋ جاسادى

29 رەت كورسەتىلدى

نۇر-سۇلتان قالاسى پوليتسيا دەپارتامەنتى كولىك يەلەرىنە اۋا رايىنىڭ قولايسىزدىعىنا بايلانىستى جولدا اسا مۇقيات بولۋ كەرەكتىگىن ەسكەرتتى، دەپ حابارلايدى Egemen.kz.

«قار تولاسسىز جاۋعاندىقتان ارنايى تەحنيكا ەلوردا كوشەلەرىن تازالاۋ ءۇشىن تاۋلىكتىك رەجيممەن جۇمىس ىستەپ جاتىر. جۇرگىزۋشىلەردى كولىگىن جول بويىندا قاڭتارماۋعا شاقىرامىز. بۇل قار كۇرەۋ جۇمىستارى مەن قوعامدىق كولىكتىڭ قوزعالىسىنا كەدەرگى كەلتىرەدى. جول ءجۇرۋ ەرەجەلەرىن قاتاڭ ساقتاپ، جىلدامدىقتى جانە قاۋىپسىز قاشىقتىق رەجيمىن ساقتاڭىز»، دەپ جازادى دەپارتامەنتتىڭ ءباسپاسوز قىزمەتى.

پوليتسيا تۇرعىندارعا قالادان الىستاپ شىقپاۋعا كەڭەس بەرىپ وتىر.

«قالا ىشىندە دە دىتتەگەن جەرگە باراتىن مارشرۋتتى الدىن الا جوسپارلاپ، قوزعالىس جولاعىن كەنەت اۋىستىرماۋ، اياق استىنان تەجەگىش باسپاۋ ماڭىزدى. بوران مەن كوكتايعاق كەزىندە قوزعالىس تاۋەكەلى ارتادى. جاياۋ جۇرگىنشىلەرگە دە وتە مۇقيات بولۋ كەرەك. جولدان وتكەن كەزدە گادجەتتەرگە ۇڭىلمەي، قۇلاققاپتى الىپ، اينالاعا نازار سالۋ قاجەت. سونداي-اق قىزمەت كورسەتەتىن كومپانيالار وكىلدەرىنە تۇرعىن ءۇي كەشەندەرىنىڭ اۋلاسىن قاردان تازالاۋ جۇمىستارىن ۋاقتىلى ۇيىمداستىرۋ قاجەت ەكەنىن ەسكەرتەمىز»، دەلىنگەن دەپارتامەنتتىڭ مالىمەتىندە.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار