ايماقتار • 25 قاراشا، 2021

رەسەيدەن جەتكەن دابىل

591 رەت كورسەتىلدى

بۇل وقيعانىڭ ءساتتى اياقتالعانىن تەك قازىرگى بايلانىس تەحنولوگياسىنىڭ وزىقتىعى ارقاسىندا بولدى دەپ باتىل ايتا الامىز. ەگەر ول بولماسا بىلدەي ءبىر ازامات اجال قۇشۋى ابدەن مۇمكىن ەدى.

سولتۇستىك قازاقستان وبلىسىندا ءبىر اپتانىڭ ىشىندە جۇقا بولسا دا ءۇزىلىسسىز جاۋعان قار جەلدىڭ ۇيىرۋىمەن كەيبىر جازىق وڭىرلەردە جولداردى دا جاۋىپ ۇلگەردى. ءۋاليحانوۆ اۋدانىندا دا سونداي جاعداي تۋعان. 22 قاراشادا تۇنگى مەزگىلدە وسى اۋداننىڭ اقبۇلاق اۋىلىن­ا جاقىن ماڭدا 1981 جىلى تۋعان رەسەي ازاماتى «شەۆرولە كرۋز» جەڭىل كولىگىمەن كەلە جاتادى. ونىڭ كوزدەگەنى اقمولا وبلىسىنىڭ اقسۋ اۋىلى ەكەن. سونداعى ءبىر تۋىسىنىڭ جەر­لەۋىنە اسىققان جىگىت تۋرا جولدارمەن جەتۋگە تىرىسادى. ول قالىڭ قار باسقان جولدا اداسىپ، تۇرىپ قالادى. ءدال وسى جەردە ەشقانداي بايلانىس جەلىسى دە جوق ەكەن. ءتۇن بولسا سۋىتىپ بارادى، ءوتىپ جاتقان كولىك جوق، اڭىراعان ايدالا. الايدا جىگىت ءجۇرىپ كەلە جاتقاندا ۆول­گو­گرادتا جاتقان جۇبايىنا حا­بارلاسىپ، جولدان اداسىپ كەلە جاتقانىن، قايدا بارىپ توق­تارىن بىلمەيتىنىن ايتىپ ۇل­گەرىپتى. ايەلى بولسا رەسەي فە­دەراتسياسىنىڭ تجم وڭىرلىك باسقارماسىنا جەدەل حابارلاسادى. ونداعىلار قازاقستاندىق ارىپتەستەرىنىڭ دەرەكتەرىن بە­رىپ، بايلانىسۋعا كومەك­تە­سەدى. سو­دان ءۋا­لي­حا­نوۆ اۋدا­نىنىڭ ور­تالىعى كىش­كەنەكول اۋىلىن­دا ىزدەس­­تىرۋ-قۇتقارۋ جۇ­مىس­­تا­رىنىڭ جەدەل شتابى قۇ­رى­لادى. ونىڭ قۇرامىنا تو­تەن­شە جاعدايلار ءبولىمىنىڭ، ءۋاليحانوۆ اۋدانىنىڭ پوليتسيا قىزمەتىنىڭ جانە جەرگىلىكتى اقبۇلاق جانە تەلجان اۋىلدىق وكرۋگتەرىنىڭ وكىلدەرى ەنەدى.

«ىزدەستىرۋ جۇمىستارى بار­لىق 5 باعىت بويىنشا جۇ­زەگە اسىرىلدى، سەبەبى سول جەردە بىرنەشە اۋىل جولدارى بار ەدى. ءتۇن تۇنەگىن ءتۇ­رىپ، ءبىر-بىرىنە قارسى 7 كو­لىك ەكيپاجىمەن 11 ادام قوزعال­­دى. ناتيجەسىندە، 100-دەن استام شاقىرىم جۇرگەن قۇت­قارۋشىلار 4 ساعاتتان كەيىن عانا زارداپ شەگۋشىنى تاپ­تى. ءتىسى-تىسىنە تيمەي، دىرىل­دەپ توڭعان ونى جىلى ماشيناعا وتىرعىزىپ، كولىگىن سۇيرەپ كىش­­كە­نەكولگە جەت­كىز­دىك»، دەي­­دى تج ءبولى­مىنىڭ باس­تى­عى باۋىر­­جان راحىم­جانوۆ.

40 جاستاعى ازامات ءوزىن قۇت­قارۋعا كەلگەندەردىڭ بارىنە العىسىن جاۋدىرىپ، ساپارىن قاۋىپسىز جولمەن جالعاستىردى. ايەلى دە ۆولگوگرادتان تەلەفون سوعىپ، وبلىستىق تجد باسشىلىعى مەن ماماندارىنا جۇرگىزىلگەن قۇتقارۋ وپەراتسياسى ءۇشىن العىس ايتتى. ازاماتىن امان قۇتقارعانى ءۇشىن ول ءۇش جاس بالاسى مەن ءتۇنى بويى بالاسىن كۇتكەن قايىن ەنەسىنىڭ اتىنان دا العىس جەتكىزدى. ءسويتىپ ءبىر ادام اجالدان امان قالدى. ال سولتۇستىك قازاقستان وب­لىستىق تجد بيىلعى قىستا العاشقى ادامدى قۇتقاردى. ال بىلتىرعى ماۋ­سىمدا ولار 639 ادامدى قۇت­قارعان. ونىڭ ۇشەۋى جاس بالا.

 

سولتۇستىك قازاقستان وبلىسى

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار