ءبىلىم • 24 قاراشا، 2021

ماگيستراتۋراعا ءتۇسۋ ءۇشىن جەتى مىڭعا جۋىق ءوتىنىش ءتۇستى

116 رەت كورسەتىلدى

قازاقستاندىقتار ماگيستراتۋراعا ءتۇسۋ ءۇشىن جەتى مىڭعا جۋىق ءوتىنىش بەردى، دەپ حابارلايدى Egemen.kzء بىلىم جانە عىلىم مينيسترلىگىنىڭ ءباسپاسوز قىزمەتىنە سىلتەمە جاساپ.

ماگيستراتۋراعا ەكىنشى قابىلداۋ قورىتىندىسى بويىنشا 6 778 ءوتىنىش ءتۇستى. دوكتورانتۋرادا وقۋ ءۇشىن 700-دەن استام ءوتىنىش بەرىلدى.

«بۇعان دەيىن قر بعم ەندى نيەت بىلدىرۋشىلەر جىلىنا ەكى رەت ماگيستراتۋرا مەن دوكتورانتۋراعا قۇجاتتار تاپسىرا الادى دەگەن شەشىم قابىلداعان بولاتىن. بۇل جاڭالىق قانداي دا ءبىر سەبەپتەرمەن قۇجاتتاردى ءداستۇرلى العاشقى قابىلداۋ كەزىندە ءوتىنىم بەرۋگە مۇمكىندىگى بولماعان مىڭداعان قازاقستاندىقتاردى قۋانتتى. ەندى تەستتى ءساتتى تاپسىرعان ۇمىتكەرلەر جازعى قابىلداۋ قورىتىندىسى بويىنشا تاعايىندالماي قالعان گرانتتاردى ۇتىپ الا الادى»، دەپ اتاپ ءوتتى ءبىلىم جانە عىلىم ۆيتسە-ءمينيسترى قۋانىش ەرعاليەۆ.

ايتا كەتسەك، ماگيستراتۋراعا كەشەندى تەستىلەۋ جانە دوكتورانتۋراعا ءتۇسۋ ەمتيحاندارى 2-11 جەلتوقسان ارالىعىندا وتكىزىلەدى.

TOEFL ITP تەستىنىڭ ناتيجەلەرىمەن دوكتورانتۋراعا تۇسۋشىلەر اعىلشىن ءتىلىن بىلۋگە ارنالعان قوسىمشا تەستىلەۋدەن وتەدى. ول ءتۇسۋ ەمتيحانىن تاپسىرعانعا دەيىن وتكىزىلەدى. تەست تاپسىرمالارىنىڭ جالپى سانى 100 سۇراقتان تۇرادى. اعىلشىن ءتىلىن بىلۋگە ارنالعان قوسىمشا تەستىلەۋ «رۇقسات بەرۋ» نەمەسە «جىبەرمەۋ» نىسانىندا باعالانادى. «رۇقسات» باعاسىن الۋ ءۇشىن كەمىندە 75 بالل جيناۋ قاجەت. اعىلشىن ءتىلىن بىلۋگە ارنالعان تەستىلەۋ، كەشەندى تەستىلەۋ جانە ءتۇسۋ ەمتيحاندارى وڭىرلىك تەستىلەۋ ورتالىقتارىندا وتكىزىلەدى.

ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن قۇجاتتار 2021 جىلعى 25 جەلتوقسانعا دەيىن قابىلدانادى. بۇل رەتتە ماگيستراتۋراعا جانە دوكتورانتۋراعا قىسقى قابىلداۋ 2021 جىلعى 2-11 جەلتوقسان ارالىعىندا وتكىزىلگەن تەستىلەۋ جانە ءتۇسۋ ەمتيحاندارىنىڭ ناتيجەلەرى بويىنشا جۇزەگە اسىرىلاتىن بولادى.

ماگيستراتۋرا مەن دوكتورانتۋراعا قابىلداۋ 2021 جىلدىڭ 26 جەلتوقسانى مەن 2022 جىلدىڭ 10 قاڭتارى ارالىعىندا وتەدى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار