ەل اۋماعىندا اقىلى اۆتوموبيل جولدارىن ەنگىزۋ تۋرالى سوڭعى وزگەرىستەردى اتاپ ءوتتى.
«2021 جىلعى 10 شىلدەدەگى ۇكىمەتتىڭ كەڭەيتىلگەن وتىرىسىندا مەملەكەت باسشىسى اتاپ وتكەندەي, «اقىلى جولداردى ەنگىزۋ – الەمدىك تاجىريبەگە ساي دۇرىس شەشىم. سەبەبى ءبىز سياقتى جەر كولەمى ۇلكەن ەلدە تەك بيۋدجەت ەسەبىنەن جول سالۋ مۇمكىن ەمەس. ونىڭ ۇستىنە قازاقستان جۇك تاسىمالىنان پايدا تابۋى كەرەك. وسىعان بايلانىستى «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسىن ىسكە اسىرۋ اياسىندا بيىلعى جىلدىڭ سوڭىنا دەيىن جالپى ۇزىندىعى 5,8 مىڭ شاقىرىم بولاتىن ۋچاسكەلەردە جول ءجۇرۋ ءۇشىن اقى الۋدىڭ اشىق جۇيەسىن كەزەڭ-كەزەڭىمەن ەنگىزۋ كوزدەلگەن», دەدى توراعا.
سونداي-اق تولەگەن ابدۋلين اقىلى اۆتوموبيل جولىنا ىرگەلەس اۋداندا/ەلدىمەكەندە تىركەلگەن جەڭىل كولىك ءۇشىن قۇنى 1000 تەڭگە بولاتىن جىلدىق ابونەمەنت قاراستىرىلعانىن ايتتى. ونىڭ سوزىنشە, 365 كۇنتىزبەلىك كۇنگە, اقىلى ۋچاسكەنىڭ بارلىق مارشرۋت ءۇشىن, ەكى باعىتقا دا قولدانىلادى.
ء«بىرىنشى ساناتتاعى اۆتوجولداردىڭ 7 ۋچاسكەسىندە اقىلى جۇيەنى ەنگىزۋ تۋرالى بۇيرىقتار ادىلەت ورگاندارىندا مەملەكەتتىك تىركەۋدەن ءوتىپ, وسى جىلدىڭ 23 قاراشاسىندا زاڭدى كۇشىنە ەندى. سايكەسىنشە وسى كۇننەن باستاپ «نۇر-سۇلتان – پاۆلودار», «شىمكەنت - وزبەكستان شەك.(تاشكەنتكە)», «شىمكەنت – قىزىلوردا», «شىمكەنت – تاراز», «تاراز – قاينار», «قاپشاعاي – تالدىقورعان» جانە «ششۋچينسك – كوكشەتاۋ» ۋچاسكەلەرىنەن اقى الىنا باستادى», دەدى قر يدم اۆتوموبيل جولدارى كوميتەتىنىڭ توراعاسى تولەگەن ابدۋللين.
