قوعام • 24 قاراشا، 2021

جەلتوقسان وقيعاسىنا قاتىسقاندارعا الەۋمەتتىك كومەك كورسەتىلەدى

173 رەت كورسەتىلدى

نۇر-سۇلتان قالاسىنىڭ ءماليحات دەپۋتتاتارى جەلتوقسان وقيعاسىنا قاتىسقان ەلوردالىقتارعا الەۋمەتتىك كومەك كورسەتۋ جوباسىن ماقۇلدادى، دەپ حابارلايدى Egemen.kz.

قالالىق ءماسليحاتتىڭ كەزەكتەن تىس سەسسياسىندا «نۇر-سۇلتان قالاسىنىڭ الەۋمەتتىك كومەك كورسەتۋ ونىڭ مولشەرلەرىن بەلگىلەۋ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيداسى تۋرالى استانا قالاسى ءماليحاتىنىڭ 2017 جىلعى 12 جەلتوقسانداعى شەشىمىنە وزگەرىستەر ەنگىزۋ تۋرالى» شەشىم جوباسى ساراپقا سالىندى.

قۇجاتتى نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينا تانىستىردى. اكىمدىك وكىلى جوبا بويىنشا الەۋمەتتىك قولداۋدىڭ مىناداي شارالارىن ۇسىندى.

ولار:

  • كونستيتۋتسيا كۇنىنە وراي زەينەتكەرلەر مەن بىرجولعى تولەم الۋشىلار اراسىنان سەمەي يادرولىق سىناق پوليگونىنان زارداپ شەككەن تۇلعالارعا 2 اەك مولشەرىندە بىرجولعى الەۋمەتتىك كومەك كورسەتۋ;
  • اۋعانستانداعى اسكەري قيمىلدارعا قاتىسقان ارداگەرلەرگە، چەرنوبىل اەس-ىندەگى اپاتتىڭ سالدارىن جويۋعا قاتىسقانى ءۇشىن الاتىن جەڭىلدىكتەر اسكەري قيمىلعا قاتىسۋشىلارمەن تەڭەستىرىلگەن تۇلعالارعا اتاۋلى كۇندەردە بەرىلەتىن الەۋمەتتىك كومەكتىڭ مولشەرىن 30 اەك-كە دەيىن ءوسىرۋ;
  • 1986 جىلدىڭ 17-18 جەلتوقسانىنداعى وقيعالارعا قاتىسقان، «جاپپاي ساياسي قۋعىن-سۇرگىن قۇرباندارىن اقتاۋ تۋرالى» قر زاڭىنىڭ ءتارتىبى بويىنشا اقتالعان ساياسي قۋعىن-سۇرگىن قۇرباندارىنا ساناتوريالىق-كۋرورتتىق ەمدەۋ، كوممۋنالدىق قىزمەتتەردى وتەۋ قىزمەتىن كورسەتۋ;
  • الەۋمەتتىك ماڭىزى بار سىرقاتقا شالدىققان ادامدارعا قاتتى وتىن ساتىپ الۋ ءۇشىن الەۋمەتتىك كومەك بەرۋ.

ءماسليحات دەپۋتاتتارى شەشىمدى ءبىراۋىزدان ماقۇلدادى..

سوڭعى جاڭالىقتار

ۇقساس جاڭالىقتار