ۇكىمەت • 24 قاراشا, 2021

كوشى-قونداعى جەكەلەگەن فۋنكتسيالار ەڭبەك مينيسترلىگىنە بەرىلمەك

131 رەت كورسەتىلدى

پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنداعى كاسىپكەرلىك قىزمەت سالاسىندا جاڭا رەتتەۋشىلىك ساياساتتى ەنگىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا ماقۇلداندى, دەپ حابارلايدى Egemen.kz.

كوشى-قونداعى جەكەلەگەن فۋنكتسيالار ەڭبەك مينيسترلىگىنە بەرىلمەك

اتالعان زاڭ جوباسى 2021 جىلعى 3 قاراشادا ءبىرىنشى وقىلىمدا ماقۇلداندى.

ءماجىلىس دەپۋتاتى سىرىم ەرتاەۆتىڭ ايتۋىنشا, دەپۋتاتتار زاڭ جوباسىمەن جۇمىس بارىسىندا مەملەكەتتىك ورگانداردىڭ كاسىپكەرلىك قىزمەتتى رەتتەۋدى جۇزەگە اسىرۋ كەزىندە كاسىپكەرلىك سۋبەكتىلەر ءۇشىن جاعدايدى جاقسارتۋعا باعىتتالعان بىرقاتار تۇزەتۋلەر ەنگىزدى.

ولار:

- كاسىپكەرلەرگە اقپاراتتىق قۇرالداردى ەلەكتروندىق نىساندا عانا ەمەس, قاعاز جەتكىزگىشتە دە بەرۋ ءتاسىلىن تاڭداۋ قۇقىعىن پايدالانۋعا مۇمكىندىك بەرۋگە;

- ەگەر رەتتەۋشى مەملەكەتتىك ورگان كاسىپكەرلىك سۋبەكتىلەرى ءۇشىن مىندەتتى تالاپتار قامتىلاتىن نورماتيۆتىك قۇقىقتىق اكتىلەردىڭ, سونداي-اق وزگە دە قۇجاتتاردىڭ تيىمدىلىگىن باعالاۋ تۇرعىسىنان ۋاقتىلى تالداۋ جۇرگىزبەسە, مىندەتتى تۇردە ولاردىڭ كۇشىن جويۋعا نەمەسە قايتا قاراۋعا;

- كاسىپكەرلىك قىزمەتتى رەتتەۋ سالاسىنداعى پيلوتتىق جوبانى جۇرگىزۋ شارتتارى زاڭنامالىق دەڭگەيدە بەكىتىلگەن جاعدايدا عانا جانە وعان جەكە كاسىپكەرلىك سۋبەكتىلەرى ەرىكتى تۇردە قاتىسقان كەزىندە عانا وسى پيلوتتىق جوبانى جۇرگىزۋدى كوزدەيتىن نورمالاردى بەلگىلەۋگە;

- كاسىپكەرلەردىڭ قۇقىقتارىن قورعاۋ جونىندەگى ۋاكىلدىڭ ۇسىنىستارى بويىنشا كاسىپكەرلىك سۋبەكتىلەرىنە قاتىستى رەتتەۋدى قاتاڭداتاتىن نورمالاردىڭ كۇشىن جويۋ نەمەسە قايتا قاراۋ ءۇشىن مۇمكىندىك بەرۋگە باعىتتالعان.

«بۇدان باسقا جۇمىس توبىندا دەپۋتاتتار ىشكى ىستەر مينيسترلىگىنەن حالىقتىڭ كوشى-قونى سالاسىنداعى جەكەلەگەن فۋنكتسيالار مەن وكىلەتتىكتەردى ەڭبەك جانە حالىقتى الەۋمەتتىك قورعاۋ مينيسترلىگىنىڭ قاراماعىنا بەرۋدى, سونداي-اق قىلمىستىق-اتقارۋ جۇيەسىنىڭ مەكەمەلەرىندە ۇستالاتىن ادامداردى مەديتسينالىق قامتاماسىز ەتۋدى دەنساۋلىق ساقتاۋ مينيسترلىگىنىڭ قاراماعىنا بەرۋدى كوزدەيتىن تۇزەتۋلەر ەنگىزدى», دەدى س. ەرتاەۆ.

«استانا» حالىقارالىق قارجى ورتالىعى ينستيتۋتتارىن قازاقستان رەسپۋبليكاسىنا ينۆەستيتسيالار تارتۋ ءۇشىن پايدالانۋ ماقساتىندا «مەملەكەتتىك م ۇلىك تۋرالى» زاڭعا جەكەلەگەن تۇزەتۋلەر ۇسىنىلدى. سونىمەن قاتار, دەپۋتاتتار زاڭ جوباسىنىڭ جەكەلەگەن نورمالارىن ناقتىلايتىن جانە مازمۇنىن جاقسارتاتىن تۇزەتۋلەر ەنگىزدى.

بۇعان قوسا, زاڭ جوباسىنىڭ تاقىرىبى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپكەرلىك قىزمەت سالاسىندا جاڭا رەتتەۋشىلىك ساياساتتى ەندىرۋ جانە قازاقستان رەسپۋبليكاسى ىشكى ىستەر ورگاندارىنىڭ جەكەلەگەن فۋنكتسيالارىن قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» دەپ جاڭا رەداكتسيادا جازىلدى.