ساپار بارىسىندا ەلباسى كىتاپحاناسى مەن تۇركپا ىنتىماقتاستىق مەموراندۋمىنا قول قويدى.
«باۋىرلاس تۇرىك حالقى – ەگەمەندىگىمىزدى العاش بولىپ مويىنداعان ەل. اتالمىش قۇجاتقا قول قويۋ ارقىلى قوس مەكەمە ەكى مەملەكەت اراسىنداعى ىنتىماقتاستىقتى دامىتۋدىڭ كەزەكتى قادامىن جاساپ وتىر. بۇل ءراسىمنىڭ تاۋەلسىزدىكتىڭ 30 جىلدىعى مەن ەلىمىزدىڭ تۇركپا-عا توراعالىق ەتۋ جىلىنىڭ تۇسىندا ايرىقشا ماڭىزى زور. تۇركى الەمىنىڭ اقساقالى رەتىندە ەلباسى تۇركىتىلدەس ەلدەردىڭ ينتەگراتسياسىنىڭ سەرپىنىنە, مادەني جانە رۋحاني قۇندىلىقتارىمىزدىڭ دامۋىنا ەلەۋلى ۇلەس قوستى. بىرلەسكەن كۇش-جىگەرىمىز ءبىلىم بەرۋ, مادەني جانە عىلىمي باعىتتار سالاسىنداعى ءوزارا ءىس-قيمىلدىڭ ساپالى دەڭگەيىن قامتاماسىز ەتۋگە ىقپال ەتەتىنىنە سەنىمدىمىز», دەدى باقىتجان تەمىربولات.
مەموراندۋم تۇركپا-عا مۇشە مەملەكەتتەردىڭ ءوزارا ارەكەتتەستىگىن نىعايتىپ, تۇركى حالىقتارىنىڭ مادەني جانە تاريحي مۇراسىن, تىلدەرىن, داستۇرلەرىن, رۋحاني قۇندىلىقتارىن ساقتاۋ مەن دامىتۋ ماقساتىندا بىرلەسكەن مادەني, ءبىلىم بەرۋ جانە زەرتتەۋ جوبالارىن ىسكە اسىرۋ ارقىلى تۇركى حالىقتارىنىڭ ىنتىماقتاستىعىن ارتتىرۋدى كوزدەيدى.
مەملەكەت باسشىسى قاسىم-جومارت توقاەۆ اتاپ وتكەندەي, ەلباسى نۇرسۇلتان نازارباەۆتىڭ باستاماسىمەن قۇرىلعان تۇركپا – باۋىرلاس ەلدەردىڭ بىرلىگىن بەكەمدەيتىن بەدەلدى ۇيىم.
«قازاقستاننىڭ تۇڭعىش پرەزيدەنتى نۇرسۇلتان نازارباەۆ ساياسي ارەنادا كورەگەن ساياساتكەر, پاراساتتى تۇلعا رەتىندە ۇلكەن قۇرمەتكە يە. وسى ورايدا تۇركپا ەلباسىنىڭ ەسىمىمەن اتالعان كىتاپحانامەن, ياعني ءبىلىم مەن عىلىمدى, تاريح پەن مادەنيەتتى شوعىرلاندىرعان ورتالىقپەن سەرىكتەس بولۋعا قۋانىشتىمىز. ىنتىماقتاعىمىز نىعايا بەرسىن! ەلدەرىڭىز امان, جۇرتتارىڭىز تىنىش بولسىن», دەدى مەحمەت سيۋرەيا ەر.
