بىرەگەي بالەت ۇلگىسى

قازاق ۇلتتىق حورەوگرافيا اكادەمياسى Temps lié II كاسىبي حورەوگرافيالىق وقۋ ورىندارىنىڭ حالىقارالىق فەستيۆالىن كورنەكتى بالەتمەيستەر ماريۋس پەتيپانىڭ «كىشكەنتاي جاۋھار» اتالعان سپەكتاكلىمەن اشۋىنىڭ ما­ڭىزى ەرەكشە. اتالعان اكا­دە­ميانىڭ رەكتورى التى­ناي اسىلمۇراتوۆا الەمدىك دەڭ­گەيدەگى بالەتتىڭ ەرەكشەلىگىنە توق­تالا كەلىپ: «ماريۋس پەتي­پانىڭ وسى سوڭعى تۋىندىسى ۇلكەن تەاترلار ساحناسىن­دا قويىلماعان، بىراق ول تۋرا­لى ەستەلىك ساقتالعان. مىنە، عاسىردان استام ۋاقىت وت­كەن سوڭ كوپتەگەن تالانتتى ادامنىڭ كۇش-جىگەرىنىڭ ارقاسىندا ءبىز وسى سپەكتاكلدى قايتا جاڭعىرتىپ، كورەرمەن قاۋىمعا سىيعا تارتىپ وتىرمىز»، دەپ اتاپ ءوتتى.

بالەت ليبرەتتوسىن حو­رەو­گراف ۆاسيلي مەدۆە­دەۆ پەن يانا تەميز − يۆان ۆسە­ۆولوجسكيدىڭ تۇپنۇس­قا­لىق ليبرەتتوسى نەگىزىندە قاي­تا جاساعان. بالەت حورەوگرافياسى ءىس جۇزىندە جوعالىپ كەتكەندىكتەن، ونى تالانتتى حورەوگراف ۆاسيلي مەد­ۆەدەۆ ەلىمىزدە ساحنالاۋ ءۇشىن قايتا ازىرلەدى. وركەستر پار­تي­تۋراسىنىڭ اۆتورى، مۋ­زىكانت ءارى مۋزىكالىق وڭ­دەۋشى داۋلەت شاكىروۆ. قو­­يىلىمعا ارنالعان كوس­تيۋم­دەردى يمپەراتور تەاتر­لا­­رى­نىڭ ديرەكتورى يۆان ۆسە­ۆولوجسكيدىڭ ەسكيز­­­دەرى نە­گىزىندە سۋرەتشى ناتاليا پرو­تاسوۆا دايىنداسا، ستسەنو­گرا­فيا اۆتورى جاندوس وما­روۆ.

«بۇل بالەتتە مەن كلاس­سي­كالىق ءبيدىڭ بارلىق تۇر­لەرىن كورسەتۋگە كۇش سالدىم، اتاپ ايتسام، ۇلكەن انسامبلدەر، پا-دە-سيز، پا-دە-كاتر، پا-دە-ترۋا، اداجيو، ۆارياتسيالار. مەن بالەتتىڭ ادەمى، سەرپىندى جانە زاماناۋي بولىپ شىعۋىن قالادىم. پەتيپانىڭ دا ءجۇز جىلدان استام ۋاقىت بۇرىن جاسالعان كەز كەلگەن بالەتتى قويۋى دا ەكىتالاي ەدى. ونەر دامىپ كەلەدى، بۇل جاندى جانە ۇزدىكسىز پروتسەسس» دەيدى قويۋشى-حورەوگراف ۆاسيلي مەدۆەدەۆ.

ال ارتىستەرمەن بىرلەسىپ جۇمىس جۇرگىزگەن، قويۋشى-حورەوگرافتىڭ اسسيستەنتى ستا­نيسلاۆ فەچونىڭ سوزىنە زەر سالساق، ول ۇمىتىلعان بالەت­تەردى قالپىنا كەلتىرۋ – حورەوگراف ءۇشىن ۇلكەن تاجىريبە ەكەندىگىن ايتادى.

«راۋشان گ ۇلى مەن كوبە­لەكتىڭ رومانى» − بۇل ۇلى حورەوگرافتىڭ شىعارماشى­لىق مۇراسىن ساقتاۋدىڭ، ونى نەوكلاسسيكالىق رۋحتا قايتا ويلاستىرۋدىڭ ۇلگىسى دەيمىن. سوندىقتان ونى الەمدىك بالەت ونەرىنىڭ دامۋىنا قوسقان ۇلەس دەپ بىلەمىن. دالىرەك ايتقاندا، قازاق ۇلتتىق حورەوگرافيا اكادەمياسىنىڭ وقۋشىلارى جانە تالانتتى جاس ورىنداۋ­شىلارمەن جۇمىس – ەسكىلىك پەن جاستىق شاقتىڭ عانا ەمەس، بالەت ونەرىنىڭ وتكەنى مەن بو­لا­شاعىنىڭ سيمۆولدىق ۇيلە­سىمى بولدى» دەدى ول.

ونەرسۇيەر قاۋىمدى قۋا­نىشقا بولەگەن قويىلىمعا قازاق ۇلتتىق حورەوگرافيا اكادەمياسىنىڭ ۇستازدارى مەن وقۋشىلارى قاتىسىپ، ونداعى باستى پارتيالاردى – كاميلا شاحمانوۆا، حۆان امير، امينا كيسەمباەۆا، ليمارا ايداروۆا جانە الينا زىريانوۆا شەبەر ورىندادى. قىسقاسى، ەموتسيالىق اسەرگە تولى تاماشا ورىنداۋ تەحنيكاسى جاس بالەت ارتىستەرىنە ساحنادا ۇمىتىلماس بەينەلەر جاساۋعا مۇمكىندىك بەردى.