ساپار باعدارلاماسىنا تۇركىستان وبلىسى اكىمىنىڭ ورىنباسىرى راشيد ايۋپوۆمەن رەسمي كەزدەسىپ, قالالىق ەمحاناعا, بالالار اۋرۋحاناسىنا جانە بالالار جاسىنداعى اۋرۋلاردى بىرىكتىرىپ قاراۋ جونىندەگى رەسۋرستىق ورتالىقتى ارالادى.
ء«بىز تۇركىستان وبلىسىمەن ءبىلىم بەرۋ جانە دەنساۋلىق ساقتاۋ سالاسىندا كوپتەن بەرى ىنتىماقتاسىپ كەلەمىز. 2019 جىلى يۋنيسەف تۇركىستان وبلىسىنا جۇكتى ايەلدەر مەن ەرتە جاستاعى بالالارعا پاتروناجدىق قىزمەت كورسەتۋدىڭ امبەباپ پروگرەسسيۆتى مودەلىن ازىرلەۋ مەن ەنگىزۋدە قولداۋ كورسەتتى. وسى باعدارلامانىڭ ارقاسىندا بەس جاسقا دەيىنگى بالالارى بار انالار مەن وتباسىلارعا كۇتىمدى جاقسارتۋ ءۇشىن پاتروناجدىق مەدبيكەلەر مەن الەۋمەتتىك قىزمەتكەرلەردىڭ مۇمكىندىكتەرى كەڭەيتىلدى. مەن بۇگىن باعدارلامانىڭ ساپالى جۇمىس ىستەپ, وتباسىلارعا كومەكتەسەتىنىنە جەكە كوز جەتكىزە العانىما وتە قۋانىشتىمىن», دەدى قازاقستانداعى يۋنيسەف وكىلى ارتۋر ۆان ديزەن.
ءبىلىم بەرۋ سالاسىندا يۋنيسەف مەملەكەتتىك جانە حالىقارالىق ارىپتەستەرمەن بىرلەسىپ, GIGA-نىڭ اۋىل مەكتەپتەرىن ينتەرنەتكە قوسۋ جونىندەگى جاھاندىق باستاماسىن ىسكە اسىرۋدا. دۇيسەنبىدە يۋنيسەف دەلەگاتسياسى باستاماعا قاتىساتىن تۇركىستان وبلىسىنىڭ بەس مەكتەبىندە بولدى. ايدىڭ سوڭىنا دەيىن وبلىستاعى 38 مەكتەپتەن جيىرما مىڭعا جۋىق وقۋشى ينتەرنەتكە قول جەتكىزەدى.
«COVID-19 ىندەتىنىڭ ناتيجەسىندەگى قازىرگى جاعداي بىزگە بالالار مەن ولاردىڭ قاۋىمداستىقتارى ءۇشىن ينكليۋزيۆتى بايلانىس, ونلاين وقىتۋ جانە باسقا دا باستامالاردىڭ جانە ەكونوميكانى ىنتالاندىرۋدىڭ ماڭىزدىلىعىن كورسەتتى. GIGA باستاماسى ارقىلى ءبىز ەشكىمدى قالدىرماي ەڭ وسال بالالار مەن قاۋىمداستىقتارعا قول جەتكىزۋىمىز كەرەك. ساندىق تەڭسىزدىكتى جويۋ جاھاندىق ىنتىماقتاستىقتى, كوشباسشىلىقتى جانە قارجى مەن تەحنولوگياداعى يننوۆاتسيانى قاجەت ەتەدى», دەدى بۇۇ-نىڭ قازاقستان رەسپۋبليكاسىنداعى تۇراقتى ۇيلەستىرۋشىسى ميكاەلا فريبەرگ-ستوري.
