«مينيسترلىك تاۋەلسىز ۇيىمداردى تارتا وتىرىپ, تۇتىنۋشىلاردىڭ قۇقىعىن قورعاۋ ماسەلەسى بويىنشا الەۋمەتىك ساۋالناما جۇرگىزدى. ەل تۇرعىندارىنىڭ باسىم نارازىلىعى مەديتسينا قىزمەتتەرىنە 46 پايىز, بايلانىس قىزمەتىنە 36 پايىز, قالالىق قوعامدىق كولىككە قاتىستى 36 پايىز ۇلەسىندە انىقتالدى», دەدى ول.
سۇلتانوۆ اتاعانداي, بۇل سالالاردا تۇتىنۋشىلاردىڭ قۇقىعىن قورعاۋ پروبلەماسى جۇيەلى سيپاتقا يە.
«سوندىقتان مەملەكەتتىك ورگاندار تۇتىنۋشىلاردىڭ نارازىلىعى تۋىندايتىن سالالارعا تالداۋ جۇرگىزۋ كەرەك. مەملەكەت الدىندا قوعام مەن بيزنەس مۇددەلەرى اراسىنداعى تەپە-تەڭدىكتى ورناتۋ جۇمىسى تۇر. قازىر تاۋارلاردىڭ ساپاسى مەن قاۋىپسىزدىگىن ورناتۋعا ارنالعان 3 مىڭعا جۋىق ستاندارت ەنگىزىلدى. جىلدان جىلعا ءوتىنىش ارتىپ كەلە جاتقان ەكونوميكا سالاسىنا ەرەكشە نازار اۋدارۋ قاجەت», دەدى باقىت سۇلتانوۆ.
