«وكىنىشكە وراي, شورتاندى اۋىلىنداعى جارىلىس سالدارىنان زارداپ شەككەن 2011 جىلى تۋعان بالا كەشە, 22 قاراشا كۇنى كەشكە كوز جۇمدى. قىز بالا ەلوردالىق اۋرۋحاناعا وتە اۋىر جاعدايدا جەتكىزىلگەن. ول دەرەۋ جانساقتاۋ بولىمشەسىنە جاتقىزىلدى, ويتكەنى جاعدايى وتە اۋىر بولدى. دەنەنىڭ تەرميالىق كۇيىگى 60 پايىز, بالا كومادا بولدى», دەدى نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ ءباسپاسوز قىزمەتىندەگىلەر.
ۆەدومستۆودان اتاپ وتكەندەي, بارلىق جۇرگىزىلگەن ەمدەۋ شارالارىنا قاراماستان, جانساقتاۋ بولىمشەسىندە ناۋقاستى قۇتقارۋ مۇمكىن بولمادى.
ايتا كەتەيىك, 16 قاراشا كۇنى اقمولا وبلىسىنىڭ شورتاندى كەنتىندە گاز باللونى جارىلىپ, 3 ادام كوز جۇمدى, تاعى ون ادام اۋرۋحاناعا ءتۇستى. وقىس وقيعا تۇنگى ساعات 22:00 شاماسىندا شورتاندى كەنتىندە ورنالاسقان ءۇش پاتەرلى تۇرعىن ۇيدە بولدى.
گاز باللونىنىڭ جارىلۋى سالدارىنان 3 پاتەرلى جەكە ءۇي ورتەنىپ, ونىڭ ءبىر بولىگى قۇلادى. اۋرۋحاناعا تۇسكەندەردىڭ اراسىندا دەنەسىنىڭ 70 پايىزى تەرميالىق كۇيىك شالعان 12 جاستاعى ەر بالا 20 قاراشادا كوز جۇمدى.
