بۇعان دەيىن مۇنداي قىزمەت نۇر-سۇلتان, الماتى, اقتوبە, شىمكەنت, تۇركىستان, اقتاۋ, اتىراۋ جانە تاراز قالالارىندا ىسكە قوسىلعان بولاتىن.
اۋەجايدا تسيفرلىق جەكە كۋالىكتى پايدالانۋ ءۇشىن eGov mobile جۇيەسىندە اۆتورلانعان ازامات «تسيفرلىق قۇجاتتار» سەرۆيسىنە كىرىپ, تىزىمنەن ءوزىنىڭ جەكە كۋالىگىن تاڭداۋى ءتيىس. اۋەجايداعى تىركەۋ ورنىندا, سونداي-اق ۇشۋ الدىنداعى تەكسەرۋدەن ءوتۋ كەزىندە سمارتفون ەكرانىنان سەرۆيستەگى QR-كودتى كورسەتۋ كەرەك.
«تسيفرلىق جەكە كۋالىكتى ەل ىشىندەگى رەيستەردە پايدالانۋ مۇمكىندىگىن قامتاماسىز ەتۋ ءۇشىن يندۋستريا جانە ينفراقۇرىلىمدىق دامۋ مينيسترلىگى, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, «قازاقستاننىڭ اۆياتسيالىق اكىمشىلىگى» اق, قازاقستان رەسپۋبليكاسىنىڭ اۆياكومپانيالارى مەن اۋەجايلارى جانە «ۇلتتىق اقپاراتتىق تەحنولوگيالار» اق جۇيەلەرىن ينتەگراتسيالاۋ بويىنشا بىرلەسە جۇمىس اتقاردى.
تسيفرلىق قۇجاتتار سەرۆيسى پيلوتتىق تارتىپتە ىسكە قوسىلدى جانە بۇل مۇمكىندىك ازىرشە نۇر-سۇلتان, الماتى, اقتوبە, شىمكەنت, تۇركىستان, اقتاۋ, اتىراۋ, تاراز جانە پەتروپاۆل قالالارىنىڭ اراسىنداعى رەيستەردە عانا قولجەتىمدى. پيلوتتىق جوبا بولعاندىقتان, بۇل سەرۆيستى قولدانۋدى جوسپارلاعان جولاۋشىلار وزىمەن بىرگە جەكە كۋالىگىنىڭ تۇپنۇسقاسىن دا العانى ءجون», دەلىنگەن يدم حابارلاماسىندا.
