الەم • 22 قاراشا, 2021

بۇۇ اۋعانستانداعى بانكتەرگە قولداۋ كورسەتۋگە شاقىردى

175 رەت

كورسەتىلدى

1 مين

وقۋ ءۇشىن

بىرىككەن ۇلتتار ۇيىمى اۋعانستانداعى بانكتەرگە قولداۋ كورسەتۋ ءۇشىن شۇعىل شارالار قابىلداۋعا شاقىردى, دەپ حابارلايدى Egemen.kz.

گاۋھار قاپاش

بۇۇ اۋعانستانداعى بانكتەرگە قولداۋ كورسەتۋگە شاقىردى

بۇل تۋرالى Reuters اگەنتتىگى مالىمدەدى.

بىرىككەن ۇلتتار ۇيىمى نەسيەنى وتەي المايتىندار سانىنىڭ كۇرت ءوسۋى, دەپوزيتتەردىڭ ازايۋى جانە قولما-قول اقشاداعى وتىمدىلىك داعدارىسى بىرنەشە اي ىشىندە اۋعانستانداعى قارجى جۇيەسىنىڭ كۇيرەۋىنە اكەلۋى مۇمكىن ەكەنىن ەسكەرتتى.

بۇۇ دامۋ باعدارلاماسى (بۇۇدب) اۋعانستاننىڭ بانكتىك جانە قارجى جۇيەسى تۋرالى ءۇش بەتتىك بايانداماسىندا بانكتىك قۇلدىراۋدىڭ ەكونوميكالىق شىعىندارى جانە ودان تۋىندايتىن جاعىمسىز الەۋمەتتىك اسەر كوپ بولاتىنىن مالىمدەدى.

ء«بىز بانك سەكتورىن قولداۋ ارقىلى تالىپتەرگە قولداۋ كورسەتپەيتىنىمىزگە كوز جەتكىزۋدىڭ جولىن تابۋىمىز كەرەك. ءبىز بارلىعىن جان-جاقتى ويلاستىرۋىمىز كەرەك», دەدى بۇۇ دامۋ باعدارلاماسىنىڭ اۋعانستان بويىنشا باسشىسى ابدۋللا ءال دارداري.

بۇۇ دامۋ باعدارلاماسىنىڭ ەسەبىندە اقشانى شىعارۋعا شەكتەۋ قويىلسا, جىل سوڭىنا دەيىن اۋعانستانداعى دەپوزيتتىك بازانىڭ 40 پايىزى جوعالادى دەلىنگەن.

ءال ءدارداريدىڭ ايتۋىنشا, اۋعانستان ەكونوميكاسىندا شامامەن 4 ميلليارد دوللار بولسا دا, اينالىمدا بار بولعانى 500 مىڭ دوللار عانا بار. بىرىككەن ۇلتتار ۇيىمى اۋعانستانداعى اشارشىلىقتى اۋىزدىقتاۋعا تىرىسقان.

سونىمەن قاتار بۇۇدب-نىڭ اۋعان بانك جۇيەسىن قۇتقارۋ بويىنشا ۇسىنىستارى دەپوزيتتەردى ساقتاندىرۋ سحەماسىن, قىسقا جانە ورتا مەرزىمدى قاجەتتىلىكتەر ءۇشىن جەتكىلىكتى وتىمدىلىكتى قامتاماسىز ەتۋ شارالارىن, سونداي-اق نەسيەلىك كەپىلدىكتەردى جانە نەسيەلەردى كەيىنگە قالدىرۋ وپتسيالارىن قامتيدى.