جاڭا تەحنولوگيالاردى ەنگىزۋدىڭ ناتيجەسىندە قاراعاندى تەحنيكالىق ۋنيۆەرسيتەتىندە وقىرماندار سانى 17 مىڭعا دەيىن ارتتى. بيىل جوعارى وقۋ ورنى ادەبيەت ساتىپ الۋعا 10 ميلليون تەڭگەگە جۋىق قاراجات باعىتتادى. ەندى كىتاپحانا قورى 1 ميلليون دانادان اسادى. بۇگىنگى تاڭدا ولاردىڭ 4 مىڭنان استامى تسيفرلاندىرىلعان.
تورايعىروۆ ۋنيۆەرسيتەتىندە وتاندىق جوعارى وقۋ ورىندارى اراسىندا ەڭ ءىرى كىتاپحانالاردىڭ ءبىرى جۇمىس ىستەيدى. كىتاپ قورى 700 مىڭ دانادان اسادى. ستۋدەنتتەردىڭ كىتاپ وقۋعا دەگەن قىزىعۋشىلىقتارىن ارتتىرۋ ماقساتىندا كىتاپحانادا اۋدانى 1560 شارشى مەتر كوۆوركينگ-ورتالىق, كونفەرەنتس-زال جانە ستۋدەنتتەرگە ارنالعان دەمالىس ورىندارى اشىلدى.
م. قوزىباەۆ اتىنداعى سولتۇستىك قازاقستان ۋنيۆەرسيتەتىندە قاجەت كىتاپ پەن وقۋ قۇرالىن تاۋىپ بەرەتىن قۇنى 5 ملن تەڭگەدەن اساتىن زاماناۋي ىزدەۋ جۇيەسى ەنگىزىلدى. بۇگىنگى تاڭدا قازاق, ورىس جانە اعىلشىن تىلدەرىندەگى 3 مىڭنان استام كىتاپ پەن وقۋلىق تسيفرلىق فورماتقا كوشىرىلدى. ۋنيۆەرسيتەتتىڭ ەلەكتروندىق كاتالوگىندا بارلىعى 265 مىڭ كىتاپ پەن ماقالا بار. م. قوزىباەۆ اتىنداعى سقۋ كىتاپحاناسىنىڭ ماتەريالدىق-تەحنيكالىق بازاسى بارلىق زاماناۋي الەمدىك تالاپقا ساي, وندا 130-دان استام جاڭا كومپيۋتەر ورناتىلعان. جوعارى جىلدامدىقتى ينتەرنەت, سونداي-اق رەسپۋبليكالىق جوعارى وقۋ ورىندارى اراسىنداعى ەلەكتروندىق كىتاپحانانىڭ مەنشىكتى جانە كورپوراتيۆتىك رەسۋرستارى پايدالانۋشىلاردىڭ يەلىگىندە.
ى. التىنسارين اتىنداعى ارقالىق پەداگوگيكالىق ينستيتۋتى دا ەلەكتروندىق كىتاپحانامەن قامتاماسىز ەتىلدى. كىتاپ قورىن اۆتوماتتاندىرۋعا, جاڭا باسىلىمدارمەن تولىقتىرۋعا 11 ميلليوننان استام تەڭگە جۇمسالدى. ەندى ارقپي كىتاپحاناسىنىڭ جالپى كىتاپ قورى 300 مىڭ دانادان اسادى.
ء«بىلىم جانە عىلىم مينيسترلىگى جوعارى وقۋ ورىندارىنىڭ الدىنا ستۋدەنتتەردىڭ وقۋعا دەگەن قىزىعۋشىلىعىن ارتتىرۋ جانە قاجەتتى اقپاراتتى ىزدەۋ بارىسىندا ىڭعايلىلىقتى قامتاماسىز ەتۋ مىندەتىن قويدى. سوندىقتان قازىر جوعارى وقۋ ورىندارى اۆتوماتتاندىرىلعان جۇيەلەردى ەنگىزۋ ءۇشىن شىعىنداردى, تەحنيكالىق قولداۋ شىعىندارىن, قىزمەتكەرلەردى وقىتۋ, كىتاپحانانىڭ تالاپتارىنا سايكەس جۇيەلەرگە وزگەرىستەر مەن تولىقتىرۋلار ەنگىزۋ ءۇشىن قاراجات جۇمسايدى. سونىمەن قاتار جوعارى وقۋ ورىندارى كىتاپحانا قورىن جاڭا باسىلىمدارمەن تولىقتىرۋدا. مەديارەسۋرستار — ەلەكتروندىق وقۋلىقتار, ەنتسيكلوپەديالار, وقۋ قۇرالدارى جانە باسقا دا ادەبيەتتەر كوبەيدى. باسقا ەلەكتروندىق كىتاپحانالاردىڭ تولىق ءماتىندى جانە مۋلتيمەديالىق رەسۋرستارى, سونىڭ ىشىندە Web of Science جانە Scopus حالىقارالىق بازالارى قولجەتىمدى. بۇل شارالار ستۋدەنتتەرىمىز ءۇشىن بارىنشا جاعداي جاساۋ ماقساتىندا قابىلدانىپ جاتىر», دەدى ءبىلىم جانە عىلىم ۆيتسە-ءمينيسترى قۋانىش ەرعاليەۆ.
س. امانجولوۆ اتىنداعى شىعىس قازاقستان ۋنيۆەرسيتەتىندە سوڭعى ەكى جىلدا ەلەكتروندىق كىتاپحاناعا كەلۋشىلەر سانى ەكى ەسە ارتتى. وسى وقۋ جىلىنىڭ قىركۇيەك ايىندا كىتاپحاناعا ەكى مىڭنان استام ستۋدەنت تىركەلگەن. سوڭعى ءۇش جىلدا ۋنيۆەرسيتەت كىتاپحاناسىنىڭ قىزمەتكەرلەرى 6 مىڭ كىتاپتى ەلەكتروندىق نۇسقاعا اۋىستىرعان. كىتاپتاردىڭ قاتارىندا ءۇش ءجۇز جىل بۇرىنعى سيرەك باسىلىمدار دا بار. كىتاپحانا سايتىندا قازاقستان مەن الەمنىڭ ەلەكتروندىق كىتاپحانالارىنا كوپتەگەن سىلتەمەلەر تابۋعا, سونىمەن بىرگە «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى شەڭبەرىندە قازاق تىلىنە اۋدارىلعان باسىلىمدارمەن تانىسۋعا بولادى.
قاراعاندى يندۋستريالدىق ۋنيۆەرسيتەتىنىڭ عىلىمي كىتاپحاناسىندا جاڭا وقۋ ادەبيەتى كورمەسىنىڭ اشىلۋى ءوتتى. كورمەگە 2021 جىلى كىتاپحاناعا كەلىپ تۇسكەن بارلىق ادەبيەت ۇسىنىلدى. جالپى سانى 2,5 مىڭ دانا كىتاپ ساتىپ الىندى. جاڭا ادەبيەتتەردى ساتىپ الۋعا جوعارى وقۋ ورنى 23 ملن تەڭگە قاراجات بولگەن.
م.ح. دۋلاتي اتىنداعى تاراز وڭىرلىك ۋنيۆەرسيتەتىنىڭ كىتاپحانالىق-اقپاراتتىق ورتالىعى «كىتاپحانا 24/7» فورماتىندا جۇمىس ىستەيدى جانە ء«بىر تەرەزە» رەجيمىندە قىزمەت كورسەتەدى. كىتاپحانانىڭ جالپى قورى 1,2 ملن دانادان اسادى. جوعارى وقۋ ورنىنىڭ كىتاپحانالىق كەڭىستىگى OPEN SPACE فورماتىنا جاڭعىرتىلعان. ستۋدەنتتەر ءۇشىن «سreative zone», «سoworking zone», «اشىق كىتاپحانا» جۇمىس ىستەيدى.
م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە ەلەكتروندىق كاتالوگ, قازاق, ورىس جانە شەت تىلدەرىندەگى بيبليوگرافيالىق جانە تولىق ءماتىندى مالىمەتتەر بازاسى تاۋلىك بويى قولجەتىمدى. كىتاپحانا سايتى ءبىلىم الۋدا ەرەكشە قاجەتتىلىكتەرى بار ستۋدەنتتەردىڭ, سونىڭ ىشىندە كورۋ قابىلەتى ناشار پايدالانۋشىلاردىڭ جۇمىسىنا بەيىمدەلگەن.
د. سەرىكباەۆ اتىنداعى شقتۋ, قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى, شاكارىم اتىنداعى ۋنيۆەرسيتەت, ق.جۇبانوۆ اتىنداعى اقتوبە وڭىرلىك ۋنيۆەرسيتەتى, ح. دوسمۇحامەدوۆ اتىنداعى اتىراۋ ۋنيۆەرسيتەتى, قورقىت اتا اتىنداعى قىزىلوردا ۋنيۆەرسيتەتى جانە باسقا دا قازاقستاندىق جوعارى وقۋ ورىندارى كىتاپحانالاردى الەمدىك ستاندارتتارعا ساي زاماناۋي اقپاراتتىق-تانىمدىق, ستۋدەنتتەردىڭ بوس ۋاقىتىن ءتيىمدى ۇيىمداستىرۋ جانە دامىتۋ ورتالىقتارىنا اينالدىرىپ وتىر.
