شىعىس قازاقستان وبلىستىق «JELTOQSAN-86» قوعامدىق بىرلەستىگىنىڭ توراعاسى مارات رامازانوۆتىڭ ايتۋىنشا, قاھارمان قىز ءسابيرا مۇحامەدجانوۆانىڭ اقتالعانى تۋرالى رەسمي قۇجات كەلدى.
«جەلتوقسان كوتەرىلىسىنە قاتىسقان تالاي قازاق جاستارى ومىرىمەن قوش ايتىسقان. سولاردىڭ ءبىرى – ءسابيرا مۇحامەدجانوۆا ەدى. 16 جاسىندا قازا بولعان قايسار قىز وسى ۋاقىتقا دەيىن اقتالماي كەلدى. ايتەۋىر 35 جىلدان كەيىن بۇل ولقىلىقتىڭ ورنى تولدى. وسى ورايدا ءسابيرانىڭ اقتالۋىندا «جەلتوقسان اقيقاتى» رەسپۋبليكالىق قوعامدىق بىرلەستىگىنىڭ توراعاسى بەيسەنباي سايفولدانىڭ ەڭبەگى زور», دەدى ول.
مارات رامازانوۆتىڭ سوزىنشە, ءسابيرا مۇحامەدجانوۆامەن ءبىر توپتا وقىعان 28 قىز بەن كۋرستاس 8 جىگىت تە اقتالىپ وتىر.
