ادەبيەت • 20 قاراشا، 2021

جامبىل جاباەۆتىڭ بۇرىن جاريالانباعان ارناۋ ولەڭدەرى مەن ايتىستارى كىتاپ بولىپ شىقتى

87 رەت كورسەتىلدى

تارازدا وتكەن جامبىل جاباەۆتىڭ 175 جىلدىعىنا ارنالعان « ۇلى دالا اقىنى» اتتى حالىقارالىق كونفەرەنتسيا بارىسىندا «جامبىل جىراۋ» كىتابى تانىستىرىلدى، دەپ حابارلايدى Egemen.kz.

«جامبىل جىراۋ» اتتى كىتاپقا قىرعىز رەسپۋبليكاسىنىڭ ۇلتتىق عىلىم اكادەمياسى مەن كىتاپحاناسىنىڭ ارحيۆتەرىنەن تابىلعان، بۇعان دەيىن باسپا بەتىن كورمەگەن، عىلىمي اينالىمعا تۇسپەگەن تىڭ جامبىلدىڭ قىرعىز اقىندارىمەن ايتىستارى، ارناۋ ولەڭدەرى، كورشى ەل عالىمدارىنىڭ تۇلعا جايىنداعى زەرتتەۋلەرى توپتاستىرىلعان.

كونفەرەنتسيادا فيلولوگيا عىلىمدارىنىڭ دوكتورى، اكادەميك، جامبىلتانۋشى قاليجان ءۋاليحان، اقىن، قازاقستان جازۋشىلار وداعىنىڭ توراعاسى ۇلىقبەك ەسداۋلەت عاسىر جاساعان ابىز اقىننىڭ شىعارماشىلىق قۋاتى، شەتەلدىڭ ادەبيەت مايتالماندارىنىڭ جوعارى باعاسى تۋرالى تىلگە تيەك ەتتى.

ء«بىز – باتىرى دا، اقىنى دا بار ەلمىز. ءبىزدىڭ قازاقتىڭ مىقتىلىعى سوندا. الەمدەگى ەڭ بيىك تاۋدىڭ ءبىرى الاتاۋ بولسا، الەمدەگى ەڭ ۇلى اقىنداردىڭ ءبىرى – جامبىل جاباەۆ. عالامشاردىڭ اسپانىن الاتاۋ قالاي بيىكتەتسە، ادامزاتتىڭ اسپانىن جامبىل اقىن سولاي بيىكتەتكەن. سوندىقتان الاتاۋ دەسەك جامبىل بابامىز ەسكە تۇسەدى، جامبىل دەسەك الاتاۋ كوزگە ەلەستەيدى. ءبىز جامبىلدىڭ زاڭعار مۇزتاۋىن ءالى تەرەڭ زەرتتەپ بولعان جوقپىز دەپ ەسەپتەيمىن. جامبىل جىرلارى كەزىندە الەمنىڭ 160 تىلىنە اۋدارىلىپ، جارىق كورگەن»، دەگەن ۇلىقبەك ەسداۋلەت شەتەلدىك جازۋشىلار جامبىلدى حح-عاسىردىڭ گومەرى دەپ باعالانىڭ ايتتى.

سونداي-اق، قوعام قايراتكەرلەرى، سەنات دەپۋتاتى نۇرتورە ءجۇسىپ پەن ءماجىلىس دەپۋتاتى بەكبولات تىلەۋحان، جازۋشى جۇماباي شاشتاي ۇلى، جازۋشى-دراماتۋرگ ەلەن ءالىمجان، ءماجىلىس دەپۋتاتى مەيرامبەك تولەپبەرگەن، اقىن داۋلەتكەرەي كاپ ۇلى، ج.جاباەۆتىڭ شوبەرەسى مۇراتحان جامبىلوۆ ءوز كەزەگىندە تۇلعانىڭ قازاق ادەبيەتىنە قوسقان وراسان ۇلەسى، ايتىسكەرلىگى مەن كەمەڭگەرىلىگى تۋرالى تەبىرەنە ءسوز قوزعادى.

قىرعىزستاننان كەلگەن ش.ايتماتوۆ اتىنداعى ءتىل جانە ادەبيەت ينستيتۋتىنىڭ جەتەكشى عىلىمي قىزمەتكەرى كەلدىبەك قويلىباەۆ پەن اقىن، «ماناسشىلار» تەاترىنىڭ ديرەكتورى ءازيز بيمىرزا ەكى ەلدىڭ ادەبي-مادەني بايلانىسىنداعى جامبىل جاباەۆتىڭ ءرولىن ايرىقشا اتاپ ءوتتى.

باسقوسۋ بارىسىندا قاتىسۋشىلار جىر الىبى تۋرالى تىڭ مالىمەتتەرمەن ءبولىسىپ، شىعارماشىلىعىن تەرەڭىرەك زەرتتەۋ، كەلەشەككە ۇرپاققا لايىقتى ناسيحاتتاۋ بويىنشا بىرقاتار وي-ۇسىنىستارىن ورتاعا سالدى.

 

 

سوڭعى جاڭالىقتار

جۇرەك ىزدەگەن ادام

ونەر • بۇگىن، 09:05

شەشۋشى ماتچقا قاتىسا المايدى

فۋتبول • بۇگىن، 08:55

ارداگەرلەر اقىل قوستى

ايماقتار • بۇگىن، 08:52

مارجان مەكەندەر

تۋريزم • بۇگىن، 08:37

بەيبىتشىلىكتەن ارتىق قۇندىلىق جوق

قازاقستان • بۇگىن، 08:32

ابىرويى اسقاق اكادەميك

قازاقستان • بۇگىن، 08:25

ساندا بار، ساناتتا جوق

قوعام • بۇگىن، 08:00

ۇقساس جاڭالىقتار