«19 قاراشا كۇنى ساعات 15.29-دا نۇر-سۇلتان قالالىق توتەنشە جاعدايلار دەپارتامەتىنىڭ ءورت ءسوندىرۋ بولىمشەسى بوتالى كوشەسى, 26 مەكەنجايداعى ءورت تۋرالى حابارلاما الىپ, وقيعا ورنىنا اتتاندى.
ءورت سوندىرۋشىلەر وقيعا ورنىنا 6 مينۋتتىڭ ىشىندە جەتىپ, 18 قاباتتى «ەۋروپالىق» تۇرعىن ءۇي كەشەنىنىڭ №1 كىرەبەرىسىندەگى 10 مەن 14 قابات ارالىعىندا ەلەكتر كابەلدەرى تارتىلعان شاحتانىڭ جانىپ جاتقانىن انىقتادى», دەدى ەلوردانىڭ توتەنشە جاعدايلار دەپارتامەنتىنەن.
ۆەدومستۆو مالىمەتىنشە, قازىرگى ۋاقىتتا اتالعان تۇرعىن ءۇي تۇرعىندارىن قاۋىپسىز جەرگە شىعارۋ ءىس-شارالارى جۇرگىزىلىپ جاتىر. ءورتتىڭ الدىن الۋعا نۇر-سۇلتان قالالىق توتەنشە جاعدايلار دەپارتامەنتى جەكە قۇرامىنىڭ 22 مامانى مەن 6 تەحنيكاسى جۇمىلدىرىلعان.
