الەم • 19 قاراشا, 2021

اقش قىتايداعى وليمپياداعا بويكوت جاريالاۋى مۇمكىن

454 رەت

كورسەتىلدى

1 مين

وقۋ ءۇشىن

اقش بەيجىڭ وليمپياداسىنا ديپلوماتيالىق بويكوت جاريالاۋ مۇمكىندىگىن قاراستىرىپ جاتقانىن پرەزيدەنت دجو بايدەن راستادى, دەپ حابارلايدى Egemen.kz.

گاۋھار قاپاش

اقش قىتايداعى وليمپياداعا بويكوت جاريالاۋى مۇمكىن

بۇل تۋرالى Reuters اگەنتتىگى ءمالىم ەتتى.

اگەنتتىكتىڭ حابارلاۋىنشا, ديپلوماتيالىق بويكوت اقش شەنەۋنىكتەرىنىڭ اقپان ايىندا بەيجىڭدە وتەتىن قىسقى وليمپيادا ويىندارىنىڭ اشىلۋىنا قاتىسپايتىنىن بىلدىرەدى.

«بۇل قاراستىرىلىپ جاتىر», دەدى بايدەن اقش اكىمشىلىگى بويكوت جاريالاۋ قاراستىرىلىپ جاتىر ما دەگەن سۇراققا.

ەكى پارتيا بەلسەندىلەرى مەن كونگرەسس مۇشەلەرى اقش ۇكىمەتىنىڭ قىتايدى شىڭجاڭنىڭ باتىسىنداعى مۇسىلمان ەتنيكالىق توپتارىنا قارسى گەنوتسيد جاسادى دەپ ايىپتاۋىن ەسكەرە وتىرىپ, بايدەن اكىمشىلىگىنىڭ بۇل شاراعا ديپلوماتيالىق بويكوت جاريالاۋىن تالاپ ەتتى, ال بەيجىڭ مۇنى جوققا شىعاردى.

اق ءۇيدىڭ ءباسپاسوز حاتشىسى دجەن پساكي كەزەكتى بريفينگتە اقش-تىڭ قىسقى وليمپيادا ويىندارىنا ديپلوماتيالىق بويكوت جاريالاۋىن قاراستىرۋىنا شىڭجاڭداعى ادام قۇقىقتارىنا الاڭداۋشىلىق سەبەپ بولعانىن ايتتى.

ء«بىزدى الاڭداتاتىنى ادام قۇقىعىنىڭ بۇزىلۋى. ءبىز بۇل ماسەلەگە الاڭدايمىز. ارينە, قاتىسپايتىنداي بىرقاتار فاكتورلار بار», دەدى پساكي جۋرناليستەرگە.