«شەگەندەلگەن شەكارا – قازاقستاننىڭ اۋماقتىق تۇستاستىعىنىڭ كەپىلى. سونداي-اق ستراتەگيالىق سەرىكتەستەرىمىز – رەسەي, قىتاي جانە ورتالىق ازيا ەلدەرىمەن دوستىق قاتىناسىمىزدىڭ مىزعىماس نەگىزى. قازاقستان اقش-پەن جانە ەۋروپا وداعى ەلدەرىمەن ستراتەگيالىق بايلانىس ورناتتى. بۇل مەملەكەتتەر – ءبىزدىڭ ينۆەستيتسيا جانە ساۋدا سالاسىنداعى ارىپتەستەرىمىز. ءبىز كوپجاقتى سارابدال ديپلوماتيانى بەرىك ۇستانىپ كەلەمىز. بيىل سەمەي پوليگونىنىڭ جابىلعانىنا 30 جىل. قازاقستان ءوز ەركىمەن يادرولىق قارۋ-جاراقتان باس تارتتى. بۇل شەشۋشى قادام قازاقستاننىڭ الەمدىك قاۋىمداستىقتاعى بەدەلىنىڭ ارتۋىنا زور ۇلەس قوستى», دەدى پرەزيدەنت.
مەملەكەت باسشىسى قازاقستان جاھاندىق يادرولىق قارۋعا قارسى قوزعالىس كوشباسشىلارىنىڭ قاتارىنا قوسىلعانىن ايتتى.
«ەلباسى ۇسىنىسى بويىنشا يادرولىق قارۋسىزدانۋعا ارنالعان الەمدىك فورۋمدى ازىرلەۋ قاجەت. كەلەسى جىلى ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە جانە سەنىم شارالارى جونىندەگى كەڭەسكە 30 جىل تولادى. وسىعان وراي ەلوردامىزدا وسى فۋورۋمنىڭ التىنشى ءسامميتى وتەدى. بۇل جيىندى ۇيىمداستىرۋ ءۇشىن سىرتقى ىستەر مينيسترلىگى اۋقىمدى جۇمىس اتقارۋى كەرەك. ءبىز بۇل كەڭەستى بىرتىندەپ قۇرلىقتاعى قاۋىپسىزدىك جانە دامۋ ۇيىمىنا اينالدىرۋدى كوزدەيمىز», دەپ اتاپ ءوتتى قاسىم-جومارت توقاەۆ.
