«قازاقستاندا ينفراقۇرىلىمدىق جوبالارعا كوپ قاراجات بولىنەدى. بيىل رەسپۋبليكا بويىنشا «نۇر-سۇلتان - قاراعاندى-الماتى», «تالدىقورعان-وسكەمەن», «اقتوبە-اقتاۋ-استراحان», «قالباتاۋ-مايقاپشاعاي-ءۇشارال-دوستىق» اۆتوجولدارى سالىنۋدا. بىزگە اۆتوموبيل جولدارىنىڭ ساپاسىن ارتتىرىپ, زاماناۋي تسيفرلىق تەحنولوگيالاردى ەنگىزۋ قاجەت», دەدى قر يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ كورمەنىڭ اشىلۋىندا.
بۇدان باسقا, ءىس-شارا شەڭبەرىندە اۆتوموبيل جولدارىن سالۋ جانە پايدالانۋ ساپاسىن ارتتىرۋ ماسەلەلەرى بويىنشا كونفەرەنتسيالار وتەدى. كورمەنىڭ ەكسپوزيتسياسى جول جانە اەرودروم جابىندارىن سالۋ, جوندەۋ, كۇتىپ ۇستاۋ بويىنشا زاماناۋي تەحنولوگيالاردى ءوندىرۋ مەن ەنگىزۋدى جۇزەگە اسىراتىن كومپانيالارمەن ۇسىنىلعان.
ءىس-شاراعا قازاقستان رەسپۋبليكاسى, رەسەي فەدەراتسياسى, بەلارۋس, ۋكراينا, گەرمانيا, فرانتسيا, اقش كاسىپورىندارى قاتىسادى. ال تۇركيا ەكسپوزيتسياسى بولەك ۇسىنىلادى. كورمەگە اۆتوموبيل جولدارىن جوندەۋ جانە پايدالانۋ قۇرىلىسىنىڭ ساپاسىن باقىلاۋدى قامتاماسىز ەتۋ ءۇشىن قازاقستان ۇكىمەتى قۇرعان جول اكتيۆتەرى ساپاسىنىڭ ۇلتتىق ورتالىعى دا قاتىسادى. ءىس-شارا قر يندۋستريا جانە ينفراقۇرىلىمدىق دامۋ مينيسترلىگىنىڭ قولداۋىمەن ۇيىمداستىرىلدى.
