كينو • 18 قاراشا، 2021

«سوڭعى ۇكىم»

242 رەت كورسەتىلدى

الماتىدا «سوڭعى ۇكىم» ءفيلمىنىڭ ءتۇسىرىلىمى باستالدى. كارتينانى مادەنيەت جانە سپورت مينيسترلىگىنىڭ تاپسىرىسى بويىنشا ۇلتتىق كينونى قولداۋ مەملەكەتتىك ورتالىعىنىڭ قولداۋىمەن جارىققا شىعارۋ جوسپارلانعان.

فيلم قازاقتىڭ كور­نەك­تى اعارتۋشى-عالىمى، قوعام قاي­راتكەرى احمەت بايتۇر­سى­نوۆتىڭ 150 جىلدىق مەرەيتويىنا ارنالعان. كارتينانىڭ سيۋ­جەتى احمەت بايتۇرسىنوۆ ءومىرىنىڭ بارلىق كەزەڭىن قام­تيدى.

ءتۇسىرىلىم توبىن ەرلان نۇر­­­مۇحامبەتوۆ پەن ەرگەن توق­­مۋرزين باسقارادى. ە.نۇر­مۇحامبەتوۆ «جاڭعاق اعا­شى» ءفيلمى ءۇشىن پۋسان حالىقارالىق كينوفەستيۆالى (وڭتۇستىك كورەيا) «جاڭا اعىم­دار» سەكتسياسىنىڭ گران-ءپريىن يەلەنگەن. رەجيسسەردىڭ «ۋاقىت جولدارى» اتتى سوڭعى كارتيناسى دا وسى جىلى فرانتسيادا پروكاتقا شىقتى. ونىڭ سەرىك­تەسى ەرگەن توقمۋرزين كوپتەگەن دەرەكتى ءفيلمنىڭ قويۋشى رە­جيس­سەرى بولعان.

باستى رولدە – قازاقستاننىڭ ەڭبەك سىڭىرگەن قايراتكەرى ازامات ساتىبالدى. بۇرىنعى تەرگەۋ يزولياتورىنىڭ عيما­راتىندا جايعاسقان ءتۇسىرىلىم الاڭىندا بەلگىلى اكتەر بولاشاق فيلم تۋرالى از-كەم ويىن ءبىلدىردى. «بۇل – ۇلت ۇستازى اح­­مەت بايتۇرسىنوۆ تۋرالى فيلم. ونىڭ ءومىرى، قوعام­داعى ىستەرى جانە ەڭ باستىسى، ونىڭ كۇرەسى تۋرالى. بۇل مەم­لەكەتتىڭ ارنايى تاپسىرىسىمەن ءتۇسىرىلىپ جاتقان ۇلكەن جوبا. بايتۇرسىنوۆ – ءبىزدىڭ ماقتانىشىمىز. مەنىڭ ويىمشا، ءبىزدىڭ جاس ۇرپاقتىڭ بويىنداعى وتانشىلدىق سە­زىمدى ۇشتاۋ ءۇشىن وسىنداي ماز­مۇنداعى فيلمدەردى كوپ تۇسىرگەنىمىز دۇرىس. ويتكەنى احمەت بايتۇرسىنوۆتىڭ الاساپىران ۋاقىتقا قاراماي ۇلت ءۇشىن اتقارعان ەڭبەگى، الاش وردا قايراتكەرلەرىنىڭ ەرلىگى – بۇگىنگى كۇنى كەزدەسپەيتىن باتىلدىق. سوندىقتان سول كەزدەگى وقيعالاردى بۇگىنگى كو­رەرمەنگە كورسەتۋدىڭ، ولار­دىڭ ونەگەلى ىستەرىن بۇگىنگى ۇرپاققا ۇلگى ەتۋدىڭ بارلىق مۇمكىندىگى قاراستىرىلۋى كەرەك»، – دەيدى اكتەر.

سونداي-اق كارتينادا ناز­گۇل قارابالينا، الەكساندر باگريانتسەۆ جانە ەرلان كارىباەۆ سەكىلدى بەلگىلى اكتەرلەر بوي كورسەتەدى.

فيلم نەگىزىنەن الماتى قالاسى مەن شىعىس قازاقستان وبلىسىندا تۇسىرىلەدى. قويۋشى وپەراتور – مارس وماروۆ. باس پروديۋسەر – داستان اتىعاەۆ. ستسە­ناري اۆتورى – عالىم دوسكەن. جىل سوڭىنا دەيىن اۆتورلار 14 اۋىسىمدى ءتۇسىرۋدى جوس­پارلاپ وتىر. ءفيلمنىڭ نەگىزگى بولىگى كەلەسى جىلى تۇسى­رىلەدى. كارتينانى Folklore media جشس شىعارادى.

 

الماتى

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار