«الەمدىك قوعامداستىق يادرولىق قاۋىپ-قاتەرمەن بەتپە-بەت كەلگەندىكتەن بىرىگۋى قاجەت. يادرولىق قارۋدى تاراتپاۋدىڭ شىنايى جۇمىس ىستەيتىن تەتىكتەرىن ازىرلەۋ قاجەتتىگى باياعىدا-اق ءپىسىپ-جەتىلدى. بۇل رەتتە ايرىقشا جاۋاپكەرشىلىك «يادرولىق بەستىك» ەلدەرىندە جاتىر. بىرنەشە جىل بۇرىن, ناقتىراق ايتقاندا «ازيا-ەۋروپا» كونفەرەنتسياسىندا مەن بارلىق يادرولىق مەملەكەتتەردىڭ قاتىسۋىمەن ستراتەگيالىق شابۋىلداۋشى قارۋ-جاراقتاردى جالپىعا بىردەي قىسقارتۋدىڭ ناقتى جوسپارىن ازىرلەۋدى ۇسىنعان ەدىم. ونى بۇۇ قامقورلىعىمەن قابىلداۋعا بولار ەدى», دەپ ەسكە الدى ەلباسى «استانا كلۋب - 2021» وتىرىسىندا.
قر تۇڭعىش پرەزيدەنتىنىڭ اتاپ وتۋىنشە, جوسپاردا جاپپاي قىرىپ-جويۋ قارۋىن ساتىپ الۋعا جانە تاراتۋعا قاتىستى قاتاڭ سانكتسيالار قامتىلۋى تيس.
«بۇل تۇرعىدا الەمنىڭ تانىمال 70 ساياساتكەرى قولداۋ بىلدىرگەن يادرولىق قاۋىپسىزدىك جانە يادرولىق قارۋدان ازات الەم جاھاندىق اليانسى كوشباسشىلارىنىڭ قىزمەتى ايرىقشا مانگە يە بولا تۇسەدى. اليانس مەن ۇسىنعان جوسپاردى تالقىلاۋ جانە ازىرلەۋ ءۇشىن ورتالىق الاڭ ءارى قوزعاۋشى كۇش بولا الار ەدى دەپ ويلايمىن. وسىعان وراي قازاقستان استاناسىندا يادرولىق قارۋدى تاراپتاۋ جانە قارۋسىزدانۋ جونىندەگى جاھاندىق فورۋم وتكىزۋدى ۇسىنامىن. وباما پرەزيدەنت بولعان كەزدە جىل سايىن ءبىز وسى تاقىرىپقا قاتىستى جينالىپ, ماسەلەلەردى تالقىلايتىن ەدىك. قازىر مۇنداي الاڭ جوق. مەن ونى جاڭارتۋدى ۇسىنامىن», دەدى نۇرسۇلتان نازارباەۆ.
