وسىعان بايلانىستى تجد كولىك جۇرگىزۋشىلەرىنە مىناداي قاۋىپسىزدىك شارالارىن ساقتاۋدى ۇسىنادى:
- جولعا مۇقيات نازار اۋدارىڭىز, قوزعالىس كەزىندە تەلەفوندى پايدالانباڭىز جانە ماشينانى باسقارۋعا كەدەرگى كەلتىرەتىن بوگدە ارەكەتتەرگە الاڭداماڭىز;
- ەسىڭىزدە بولسىن: ەگەر ءسىز كولىك جۇرگىزۋ كەزىندە كەنەتتەن توقتاساڭىز, دوڭگەلەكتەر ق ۇلىپتالىپ, كولىك قۇرالىن جۇرگىزۋگە كەدەرگى كەلتىرەدى;
- جول قوزعالىسى ەرەجەلەرىن, قاشىقتىقتى ساقتاڭىز, كەنەتتەن مانەۆر جاساۋدان جانە باسىپ وزۋدان اۋلاق بولىپ, جاياۋ جۇرگىنشىلەرگە اباي بولىڭىز, اينالاڭىزداعى اۆتوكولىكتەردى قاداعالاڭىز. جاياۋ جۇرگىنشىلەرگە ارنالعان ۇسىنىستار:
- ەسىڭىزدە بولسىن, قار مەن كوكتايعاق كەزىندە كولىك جۇرگىزۋشى باقىلاۋدى جوعالتۋى مۇمكىن, ناتيجەسىندە جاياۋ جۇرگىنشىلەردىڭ قاعىپ كەتۋى مۇمكىن;
- كوشەلەردەگى جول قوزعالىسى بەلگىلەنگەن ورىنداردا ءوتۋ كەرەك;
- اباي بولىڭىز, جولدان وتكەن كەزدە, باسقا ىستەرگە (ۇيالى تەلەفونمەن سويلەسۋ جانە ت. ب. الاڭداماڭىز;
- ارقاشان الدىڭىزعا جانە اياقتىڭ استىنا قاراڭىز;
- اياق كيىمدى دۇرىس تاڭداۋعا نازار اۋدارۋ كەرەك. اياق كيىم تايعانامايتىن ماتەريالدان جاسالعان تەگىس تاباندى بولۋى ءتيىس;
- مۇز قاتقان جولدا تەپە-تەڭدىكتى ساقتاۋ ءۇشىن قولىڭىزدى قالتاڭىزعا سالماڭىز;
- ەسىڭىزدە بولسىن, تروتۋارلار, كولىك ايالدامالارى, دۇكەندەرگە كىرەبەرىستەگى باسپالداقتار, ءتىپتى ءوز ءۇيىنىڭ كىرەبەرىسى- ادامدار ءجيى قۇلاپ, جاراقات الاتىن جەرلەر.
